Hövzə Xəbər Agentliyinin tərcümə qrupunun verdiyi məlumata görə, genişmiqyaslı rəqəmsal mübarizə tədbiri çərçivəsində bir sıra alimlər, mütəfəkkirlər, siyasi və hüquqi fəallar “Mərakeş qapısı sizi səsləyir” şüarı altında keçirilən böyük elektron nümayişdə bir araya gəliblər.
“Ümumdünya Müsəlman Alimləri Birliyinin Qüds və Fələstin Komitəsi” ilə “Fələstin üzrə Milli Fəaliyyət Qrupu”nun birgə koordinasiyası ilə keçirilən bu elektron nümayişin məqsədi mübarək Məscidül-Əqsa, Qəzza zolağı və İordan çayının qərb sahilinin üzləşdiyi soyqırım cinayətləri və sistemli yəhudiləşdirmə planlarının təhlükəsini işıqlandırmaq olub.
Bu toplantıda tanınmış milli şəxsiyyətlərin güclü çıxışları dinlənilib. Çıxışlarda regionu bürüyən İsrail rejimi ilə əlaqələrin normallaşdırılması və nüfuz etmə planları qarşısında ictimai və siyasi həmrəyliyin möhkəmləndirilməsinin zəruriliyi vurğulanıb.
Qüds və Qəzza rəqəmsal həmrəylik çətiri altında
İştirakçıların, o cümlədən Fələstin üzrə Milli Fəaliyyət Qrupunun koordinatoru doktor Əbdülhəfiz Əl-Sritinin və bir sıra alimlərin çıxışları Mərakeş xalqı ilə müqəddəs Qüds, xüsusilə də mərakeşlilər qapısı arasındakı dərin bağlılığı nümayiş etdirib.
Müzakirələr işğalçıların davamlı şəkildə həyata keçirdikləri əməllərin, o cümlədən Məscidül-Əqsanın bağlanmasının, işğalçı hökumətin dəstəyi ilə hücumların artırılmasının, eləcə də məscidin dağıdılması və onun yerində qondarma “Məbəd” inşa edilməsi ilə bağlı açıqlanmış niyyətlərin ifşa olunmasına yönəlib.
Müzakirələr yalnız Məscidül-Əqsa ilə məhdudlaşmayıb, işğal altındakı Qüds şəhərində həyata keçirilən sistemli planlara da toxunulub. Bu planlara şəhərin təcrid edilməsi, yəhudiləşdirilməsi, sakinlərinin məcburi köçürülməsi və onları öz evlərini öz əlləri ilə dağıtmağa məcbur etmək daxildir.
Çıxışlarda İordan çayının qərb sahilindəki ümumi vəziyyətə də toxunulub. Burada yaşayış məntəqələrinin salınmasının genişləndirilməsi, yüksəkliklərə nəzarətin ələ keçirilməsi, alternativ yolların çəkilməsi və ayırıcı divarın inşası, həmçinin çoxsaylı hərbi keçid məntəqələrinin yaradılması və düşərgə sakinlərinin öz yaşayış yerlərindən çıxarılmasına yönəlmiş cəhdlər diqqətə çatdırılıb.
1948-ci ildə işğal olunmuş ərazilərdə isə çıxışlarda etnik təmizləmə siyasəti, yerli əhalini hədəfə alan irqçi qanunlar əsasında tikinti aparılmasının qarşısının alınması, eləcə də Qəzza zolağında misli görünməmiş cinayətlər, o cümlədən mühasirə, aclıq və soyqırım xüsusi vurğulanıb.
Qüds və Qəzza rəqəmsal həmrəylik çətiri altında
İştirakçıların, o cümlədən Fələstin üzrə Milli Fəaliyyət Qrupunun koordinatoru doktor Əbdülhəfiz Əl-Sritinin və bir sıra alimlərin çıxışları Mərakeş xalqı ilə Qüds, xüsusilə də mərakeşlilər qapısı arasındakı bağlılığın dərinliyini nümayiş etdirib.
Müzakirələr işğalçıların davamlı şəkildə həyata keçirdikləri əməllərin, o cümlədən Məscidül-Əqsanın bağlanmasının, işğalçı hökumətin dəstəyi ilə hücumların artırılmasının, eləcə də məscidin dağıdılması və onun yerində qondarma “Məbəd” inşa edilməsi ilə bağlı açıqlanmış niyyətlərin ifşa olunmasına yönəlib.
Müzakirələr yalnız Məscidül-Əqsa ilə məhdudlaşmayıb, işğal altındakı Qüds şəhərində həyata keçirilən sistemli planlara da toxunulub. Bu planlara şəhərin təcrid edilməsi, yəhudiləşdirilməsi, sakinlərinin məcburi köçürülməsi və onları öz evlərini öz əlləri ilə dağıtmağa məcbur etmək daxildir.
Çıxışlarda İordan çayının qərb sahilindəki ümumi vəziyyətə də toxunulub. Burada yaşayış məntəqələrinin salınmasının genişləndirilməsi, yüksəkliklərə nəzarətin ələ keçirilməsi, alternativ yolların çəkilməsi və ayırıcı divarın inşası, həmçinin çoxsaylı hərbi keçid məntəqələrinin yaradılması və düşərgə sakinlərinin öz yaşayış yerlərindən çıxarılmasına yönəlmiş cəhdlər diqqətə çatdırılıb. 1948-ci ildə işğal olunmuş ərazilərdə isə çıxışlarda etnik təmizləmə siyasəti, yerli əhalini hədəfə alan irqçi qanunlar əsasında tikinti aparılmasının qarşısının alınması, eləcə də Qəzza zolağında misli görünməmiş cinayətlər o cümlədən mühasirə, aclıq və soyqırım – xüsusi vurğulanıb.
Normallaşma və sionist nüfuzunun təhlükələri
Fələstin üzrə Milli Fəaliyyət Qrupunun baş katibi Əziz Hənəvi çıxışında bildirib: Fələstin üzrə Milli Fəaliyyət Qrupunun təşkilatçılığı ilə, alimlər, siyasətçilər, hüquqşünaslar, təbliğatçılar, həmkarlar ittifaqları və İsrail rejimi ilə əlaqələrin normallaşdırılmasına qarşı çıxan azad fəallardan ibarət Mərakeş ziyalılarının iştirakı ilə keçirilən bu böyük elektron nümayiş Qəzza, İordan çayının qərb sahili, köçkünlər və bütün ümmətin yaşadığı qəhrəmanlıq dastanının şahidi olduğumuz bir şəraitdə baş tutur.
O əlavə edib: Bu, mübarək Əqsa Tufanından sonrakı son dərəcə həssas bir mərhələdir. Bu hadisə insanlıq və bəşəri qəhrəmanlıq tarixində qızıl hərflərlə yazılan böyük döyüşlər və müharibələrdən sonra baş verdi, şərəf mürəkkəbi, şəhidlərin, müqavimət komandirlərinin və Fələstin xalqının şəhidlərinin qanı ilə yazılmış səhifələr...
Hənəvi bildirib: Bu döyüşlər Balfur Bəyannaməsindən, Buraq İnqilabından mübarək Əqsa Tufanına qədər davam edib və inkişaf edib. Buraq divarından Əqsaya qədər Fələstin torpaqlarında müqavimət və mübarizə davam edib. Müqavimət bayrağı sınmayıb, Fələstin xalqının iradəsi sınmayıb, ümmətin Fələstin adı altında öz suverenliyini, ləyaqətini və azadlığını müdafiə etmək iradəsi də sınmayıb.
O, sözlərinə belə davam edib: Fələstin bütün ərəb və İslam ümməti, hətta bütün bəşəriyyət üçün azadlığın, ləyaqətin və qurtuluşun adı və kompası olub, var və bundan sonra da olacaq. Bütün bunlar İsrail rejimi formasında meydana çıxmış bu sionist canavarına qarşı mübarizə kontekstində baş verir. Eyni zamanda, bu rejim müxtəlif paytaxtlar vasitəsilə, yəni bu işğalçı rejimi regionda yerləşdirən imperialist paytaxtlar vasitəsilə genişləndirilir.
«Əl-Cəhd»ə müsahibə: Mərakeşin İsraillə normallaşma siyasəti ölkəni «partlayışa hazır vəziyyətə» gətirib
Mərakeşin İsrail rejimi ilə münasibətlərin normallaşdırılmasına qarşı mübarizə aparan müşahidə qurumunun rəhbəri Əhməd Veyhman «Əl-Cəhd» xəbər saytına eksklüziv müsahibəsində vurğulayıb: cinayətkar sionist rejimlə normallaşma yolu Mərakeşi «partlayışa hazır vəziyyətə gətirən bir tənliyin» mərkəzinə yerləşdirib.
Veyhman izah edib: Bəzi şəxslərin «nailiyyət» kimi təqdim etdikləri əslində yalnız bir xəyaldan ibarətdir. Halbuki real nəticələr dövlət qurumlarına, Mərakeşin suverenliyinə və cəmiyyətin sosial strukturuna dərin və təhlükəli müdaxilədə özünü göstərib.
O, vurğulayıb: İsrail rejimi ilə münasibətlərin normallaşdırılması siyasəti bu gün Mərakeşin süqutuna hesablanıb. Buna görə də xalq olaraq, bütün təbəqələrimiz və imkanlarımızla apardığımız mübarizə ondan ibarətdir ki, onlar öz layihələrini həyata keçirərək bizi — vətən, cəmiyyət və həmçinin dövlət olaraq — süquta sürükləməzdən əvvəl biz onların layihəsini iflasa uğradaq.
Praktik tövsiyələr
Bu elektron aksiya konkret praktik tövsiyələrin yer aldığı qətiyyətli yekun bəyanatın qəbul edilməsi ilə başa çatıb. Tövsiyələrin ən mühümləri sırasında Mərakeşdə qərar qəbul edən şəxslərə sionist əlaqələr ofisinin Rabatdan çıxarılması, Mərakeşin həmin ofisdəki nümayəndəsinin geri çağırılması və işğalçı rejimlə bütün münasibətlərin tamamilə kəsilməsi ilə bağlı açıq çağırışın yenilənməsi olub.
Tövsiyələrdə işğalı dəstəkləyən şirkətlərə qarşı iqtisadi və ticari boykot kampaniyalarının genişləndirilməsi və gücləndirilməsi, həmçinin hüquqşünaslar, beynəlxalq və daxili hüquq üzrə mütəxəssislər tərəfindən işğalçı rejimin rəhbərlərinin hərbi cinayətlər və soyqırım törətməkdə ittiham olunaraq məhkəmə qaydasında təqib edilməsinin tələb olunması vurğulanıb.
Tövsiyələrdə, həmçinin Qəzza zolağına tətbiq edilən mühasirənin yarılmasının və işğalçı rejimin həbsxanalarında saxlanılan fələstinli məhbusların müqavimətinin bütün mümkün vasitələrlə dəstəklənməsinin zəruriliyi xüsusi qeyd olunub.
Mərakeş
Rəyiniz