Hövzə Xəbər Agentliyinin məlumatına görə, mübarək Rəcəb ayının daxil olması münasibətilə, bu mübarək günlərdən düzgün şəkildə faydalanmaqla bağlı Ali Rəhbərin bəyanatlarından seçmələr hörmətli ziyalı oxuculara təqdim olunur.
Mübarək Rəcəb ayında ən üstün əməl hansıdır?
İnsanın bu ayda yerinə yetirdiyi ən layiqli əməl, yəqin ki, istiğfardır. Doğrudan da, hamımızın istiğfara ehtiyacı var və Uca Allaha sığınmalıyıq. İlahi məğfirət (bağışlanma) Allah-Təalanın dünyada və axirətdə insana bəxş etdiyi ən böyük nemətdir. Hətta ilahi övliyalar, hətta Allahın Peyğəmbəri belə ilahi məğfirətdən ehtiyacsız deyillər:
لِیَغفِرَ لَکَ اللَهُ ما تَقَدَّمَ مِن ذَنبِکَ وَ ما تَأَخَّر.(۱)
«Allah sənin əvvəlki və sonrakı günahlarını bağışlasın deyə…»
Bu məğfirət ona görədir ki, heç kəs Rəbbinə layiq olduğu şəkildə itaət və ibadət haqqını tam yerinə yetirə bilməz. İstiğfar da məhz buna görədir.
ما عَبَدناکَ حَقَّ عِبادَتِک؛(۲)
“Biz Sənə layiq olduğun kimi ibadət edə bilmədik” həqiqət budur. Heç bir insan, nə qədər səy göstərsə də, Rəbbinə layiq olan bəndəlik haqqını tam şəkildə yerinə yetirə bilməz. İstiğfarın səbəbi də elə budur. (16 yanvar 2024)
Rəcəb ayı dua və təvəssül ayıdır
Rəcəb ayı çox gözəl bir fürsətdir. Bu ay dua ayıdır, təvəssül ayıdır, diqqət ayıdır, istiğfar ayıdır. İnsan daim istiğfar etməlidir və heç kim özünü istiğfardan ehtiyacsız sanmamalıdır. Allahın Peyğəmbəri buyurur:
«انّه لیغان علی قلبی و انّی لأستغفر اللَّه فی کلّ یوم سبعین مرّة».
“Qəlbimə bir pərdə enir və mən hər gün yetmiş dəfə Allahdan bağışlanma diləyirəm.”
Şübhəsiz ki, Peyğəmbər də gündə azı yetmiş dəfə istiğfar edirdi. İstiğfar hamı üçündür. Xüsusilə də maddi hərəkətlilik içində olan, maddi dünyaya qərq olmuş və çirklənmiş bizlər üçün. İstiğfar bu çirklənmənin bir hissəsini təmizləyir və aradan qaldırır. Rəcəb ayı istiğfar ayıdır. İnşallah, bu fürsəti qənimət bilək.
(24 iyun 2009)
Bu ay Şaban, daha sonra isə Ramazan ayına bir hazırlıq mərhələsidir
Yaxşı olar ki, harada olmağımızdan və hansı işlə məşğul olmağımızdan asılı olmayaraq, bu mübarək Rəcəb ayının bərəkətli günlərindən hər mərhələdə daha çox səy göstərməyin zəruriliyinə diqqət yetirmək üçün istifadə edək. Rəcəb ayının dualarından belə nəticə çıxır ki, bu ay Şaban ayına, ardınca isə Ramazan ayına bir müqəddimədir. Bu üç ay il ərzində insanın özünü tərbiyə etməsi, həyatın və taleyin böyük hərəkəti üçün lazım olan mənəvi ehtiyatı və gücü toplaması baxımından bir fürsətdir.
Bu ayda oxuduğumuz dualarda deyirik:
«اللهم اهدنی هدی المهتدین، و ارزقنی اجتهاد المجتهدین.»
“İlahi, məni doğru yola yönəlmişlərin yoluna hidayət et və çalışqanların səyi ilə ruziləndir.”
Dua edən bu sözlərlə Uca Allahdan hidayət nurunu, səy və çalışqanlıq ruhiyyəsini, həmçinin bu yolda müvəffəqiyyət diləyir və deyir:
«و لا تجعل لی من الغافلین المبعدین.»
“Məni qəflətdə qalan və uzaqlaşdırılanlardan etmə.”
Başqa bir duada isə belə oxuyuruq:
«اللهم انی اسئلک صبر الشاکرین لک و عمل الخائفین منک و یقین العابدین لک(۲).»
“İlahi, səndən şükür edənlərin səbrini, səndən qorxanların əməlini və sənə ibadət edənlərin yəqinliyini istəyirəm.”
Bunlar insanın ucalması üçün qanad rolunu oynayan xüsusiyyətlərdir. Şükür sahiblərinin səbri, Allah qorxusu ilə əməl etmək və ibadətdə yəqinlik həm bu ayda Allahdan istədiyimiz dəyərlərdir, həm də bu dualardan öyrənirik ki, Rəcəb ayında bu xüsusiyyətləri öz daxilimizdə formalaşdırmalıyıq.
(13 yanvar 1993)
Rəyiniz