Hövzə Xəbər Agentliyinin müxbirinin verdiyi məlumata görə, Höccətül-İslam vəl-müslimin Həmid Şəhriyari beynəlxalq təbliğatçıların böyük Ərbəin yürüşündəki strateji rolunu vurğulayaraq bildirib ki, bu iştirak İslamın yeni mədəniyyət sivilizasiyası ideyasının yayılmasında və ümmət birliyinin formalaşdırılmasında əsas və həlledici rol oynayır.
O bildirib: Şübhəsiz, Ərbəin mərasimində iştirak edən beynəlxalq təbliğatçılar bu prosesdə əsas rol oynayırlar. Lakin bu rolun həyata keçirilməsi həmin prosesin dəqiq tanınmasını tələb edir. Biz bilməliyik ki, hansı mühitdə iştirak edirik, Ərbəin yürüşündə hansı etnik və məzhəb müxtəlifliyi ilə qarşılaşırıq və həmçinin İraq ölkəsinin adət və ənənələrini düzgün başa düşməliyik ki, bu ölkənin qonaqpərvərliyinə uyğun hərəkət edə bilək və bu təlimləri iştirakçılara ötürək ki, onlar bu möhtəşəm yürüyüşdə necə davranmalı olduqlarını bilsinlər.
İslam Məzhəblərarası Birliyinin Ümumdünya Assambleyasının baş katibi qlobal arenada dövlət quruculuğunun tələblərinə işarə edərək bildirib:
Əgər biz dövlət quruculuğu yolunda düzgün hərəkət etmək istəyiriksə, ‘təhlükəsizlik’, ‘insan ləyaqəti’ və ‘ədalət’ kimi üç əsas dəyəri qlobal səviyyədə müzakirə, təbliğ və inkişaf etdirməliyik. Bunun üçün düşmənin təhlükəsizliyi pozmaq, insan ləyaqətini alçaltmaq, ədaləti zəiflətmək və zülmü yaymaq planlarını ətraflı tanımalıyıq.
O əlavə edib: Əgər düşmənin planlarını bu üç əsas dəyərə qarşı düzgün təhlil edə bilsək, dövlət birliyi və İslamın yeni mədəniyyət sivilizasiyası ideyasının həyata keçirilməsi yolunda mütləq uğur qazanacağıq.
H. Şəhriyari Ərbəin yürüşündə iştirak edən beynəlxalq təbliğatçıların vəzifələrinə diqqət çəkərək qeyd edib:
Bu prosesdə iştirak edən şəxslər yüksək dəyərlərə diqqət yetirməli və hər hansı fikir və davranışlardan çəkinməlidirlər ki, bu fikir və davranışlar iğtişaş, etnik gərginlik və ya dini ideya toqquşmalarına səbəb olmasın. İnşallah, biz bu möhtəşəm yürüşü qlobal səviyyədə İslam ümmətinə birləşdirə bilərik və İslam İnqilabı ideyası ilə yeni mədəniyyət sivilizasiyasının inkişafının şahidi olarıq.
O, Ərbəin yürüşündəki möhtəşəm kütləyə işarə edərək bildirib: Biz həqiqətən dünyada bənzəri olmayan bir izdihamla qarşı-qarşıyayıq. Bu gün qeyd etdim ki, hətta Kəbə evinin zəvvarlarının ümumi sayı da bu kütlənin on faizinə çatmaz. Bu böyük kütlə daxilində olan fərqlərə baxmayaraq, bu xüsusiyyət bizdən diqqətli olmağı tələb edir və düşmənin bu böyük potensialdan sui-istifadə etməsinə imkan verməməliyik.
İslam Məzhəblərarası Birliyinin baş katibi çıxışını yekunlaşdıraraq vurğulayıb:
İmam Hüseynin (ə) Ərbəin yürüyüşü böyük bir potensialdır ki, biz müxtəlif məzhəbləri və hətta fərqli dinlərin tərəfdarlarını bu möhtəşəm hadisəyə cəlb edə bilək. Eləcə də öyrənmə, araşdırma və sülhsevər yanaşmalar vasitəsilə öz ədəbiyyatımızı, yəni İmam Hüseyn (ə) tarixini qlobal səviyyədə yaymaq imkanına malik olaq.
Xəbərin sonu
Rəyiniz