Hövzə Xəbər Agentliyinin verdiyi məlumata görə, Livan parlamentinin deputatı və “İnkişaf və Azadlıq” Fraksiyasının üzvü Qasim Haşim bəyan edib ki, İsrailin davam etdirdiyi amansız hücumlar bu rejimin təcavüzkar və beynəlxalq hüquqa məhəl qoymayan mahiyyətini bir daha ortaya qoyur. O vurğulayıb ki, İsrail indiyədək beynəlxalq qətnamələrə, hüquq normalarına, humanitar prinsiplərə və beynəlxalq konvensiyalara əməl etməyib, əksinə, beynəlxalq humanitar hüququ davamlı şəkildə kobud surətdə pozmaqda davam edir.
Qasim Haşim bildirib ki, ABŞ və İran arasında əldə olunan anlaşmadan sonra bölgədə baş verən qətllər, dağıntılar və İsrailin hücumlarının genişlənməsi bu prosesdə iştirak edən tərəflərin və regional sabitliyin təmin edilməsinə məsul olan qüvvələrin üzərinə daha böyük məsuliyyət qoyur. Onun sözlərinə görə, beynəlxalq ictimaiyyət İsrailin təcavüzkar siyasətinə, həmçinin qanunsuz hərəkətlərinə və davam edən cinayətlərinə son qoyulması istiqamətində təsirli və ciddi addımlar atmalıdır.
Livanlı deputat qeyd edib ki, ədalət, insan hüquqları və beynəlxalq hüququn aliliyindən danışan dünya ictimaiyyəti İsrailin törətdiyi cinayətləri görməzdən gəlməməli, bu vəhşiliklərə bəraət qazandırmamalı və onlar qarşısında susqun mövqe sərgiləməməlidir. O vurğulayıb ki, davam edən bu hərəkətlər artıq təkcə regionun deyil, bütövlükdə beynəlxalq təhlükəsizlik və sabitliyin ciddi şəkildə təhdid olunmasına səbəb olur.
Qasim Haşim
Rəyiniz