Hövzə Xəbər Agentliyinin verdiyi məlumata görə, ölkə üzrə Elmi hövzələrin rektoru Ayətullah Əlirza Ərafi həkimlərin fəaliyyətini yüksək qiymətləndirərək yayımladığı müraciətdə bildirib: Tibb və həkim sahəsi bilik, bacarıq və peşə etikasına söykənən mühüm bir sahədir. Onların missiyası Allahın insana bəxş etdiyi ən dəyərli nemət olan insan həyatını və sağlamlığını qorumağa xidmət etməkdir.
Bağışlayan və mehriban Allahın adı ilə
“وَمَنْ أَحْیَاهَا فَکَأَنَّمَا أَحْیَا النَّاسَ جَمِیعًا”
Kim bir adamı öldürməyən və ya yer üzündə fəsad törətməyən bir şəxsi öldürərsə, sanki bütün insanları öldürmüşdür. Kim də onu ölümdən xilas edərsə, sanki bütün insanları xilas etmiş hesab olunar.
(Maidə surəsi, 32-ci ayə)
Tibb və həkim sahəsi bilik, bacarıq və peşə etikasına söykənən mühüm bir sahədir. Onların missiyası Allahın insana bəxş etdiyi ən dəyərli nemət olan insan həyatını və sağlamlığını qorumağa xidmət etməkdir.
Dini baxımdan tibb yalnız xəstəliklərin diaqnostika və müalicəsi üçün nəzərdə tutulan yalnız bilik və texnologiyadan ibarət deyil. Əksinə, tibb insaniyyətə aid bir elm və məsuliyyətdir. Bu sahədə elmi araşdırma və təcrübə insan ləyaqətinə hörmət, əziyyət çəkənlərə şəfqət və insan həyatına qarşı əmanətdarlıqla vəhdət təşkil edir. Həkim müasir elmi nailiyyətlərdən və qabaqcıl texnologiyalardan faydalanmaqla yanaşı, daim insanın ehtiramını, xəstənin ümidini və cəmiyyətin etimadını qorumalıdır.
İmam Əli (ə) buyurur:
“العِلمُ سُلطانٌ؛ مَن وَجَدَهُ صالَ بِهِ، ومَن لَم یَجِدْهُ صیلَ عَلَیهِ”
“Elm qüdrətdir. Onu əldə edən onun vasitəsilə güclənər, ondan məhrum olan isə məğlub olar.” Buna görə də ölkə təbabətinin inkişafı elmi biliklərin davamlı şəkildə istehsalını, fundamental və tətbiqi tədqiqatların inkişaf etdirilməsini, təhsilin gücləndirilməsini, müasir texnologiyalardan ağıllı şəkildə istifadəni, eləcə də səhiyyə sahəsində əxlaq və ədalətin eyni zamanda qorunmasını tələb edir.
Həkimlər günü xəstəxana və müalicə mərkəzlərində, o cümlədən universitet, elmi tədqiqat və təhsil sahələrində məsuliyyət və fədakarlıqla xalqa xidmət edən həkimlərin elmi səylərinə və səmimi xidmətlərinə ehtiram göstərmək üçün bir fürsətdir. Səhiyyə nazirliyinin şəhid olmuş əməkdaşlarının xatirəsini yad edir, müalicə sahəsində xidmət göstərən bütün şəxslərə öz ehtiramımı bildirir və bu əlamətdar gün münasibətilə tibb ictimaiyyətini, o cümlədən professor, tədqiqatçı, rezident və tibb tələbələrini, xüsusilə Qum şəhərinin fədakar və məsuliyyətli həkimlərini və Qum Tibb Elmləri Universitetini səmimi qəlbdən təbrik edirəm.
Uca Allahdan bütün həkimlərə və səhiyyə sahəsində fəaliyyət göstərən şəxslərə elm və xidmət yolunda daha böyük uğurlar və müvəffəqiyyət, sağlam həyat, eləcə də xəstəlikdən əziyyət çəkənlərə tezliklə şəfa diləyirəm.
Ölkə üzrə Elmi hövzələrin rektoru Ayətullah Əlirza Ərafi
Rəyiniz