Cinayətkar təbiətin üç ideoloji və siyasi kökü

Höccətül-İslam vəl-müslimin Dirbaz Hövzə Xəbər Agentliyinin müxbirinə verdiyi müsahibədə dini təlimlərdən alət kimi istifadə hallarına toxunaraq bildirdi: yəhudilik daxilində müəyyən cərəyanlar yəhudi xalqını “seçilmiş qövm” kimi təqdim edir və bu təsəvvürü elə şəkildə yayırlar ki, başqalarını daha aşağı mərtəbədə göstərir. Belə təlqinlər ayrı-seçkilikli baxışların və zorakı davranışların zəminini yaradır.

Birinci kök: Dindən ideoloji məqsədlərlə istifadə

Xubriqan məclisinin rəyasət heyətinin üzvü qeyd etdi ki, bəzi dini liderlər və yəhudi mətnlərində “seçilmiş qövm” anlayışı xüsusi vurğulanır. Bu təfsir nəticəsində, fərqli əqidəyə malik insanlar “aşağı” hesab edilir və onlara qarşı qeyri-insani münasibət formalaşdırılır. Bu cür ideoloji yozumlar düşmənçilik və zorakı davranışların əsaslandırılmasına xidmət edir.

İkinci kök: Torpaq vədlərinin saxtalaşdırılması və axırzaman təlimləri ilə bağlanması

Həmin ilahiyyatçı və universitet müəllimi davam edərək vurğuladı: bu rejimin daxilində bəzi qruplar torpaq vədlərini təhrif olunmuş şəkildə təqdim edirlər, məsələn, “Nil çayından Fərata qədər” iddiası. Bu yanaşma başqa xalqların torpaqlarını işğal etməyi və zəbt etməyi əsaslandırır. Hətta bəzi iddialarda, guya, İsa Məsihin (ə) zühuru prosesində bölgənin xüsusi rolu olacağına dair təsəvvürlər irəli sürülür və bu isə müəyyən xristian cərəyanları ilə alətçi ittifaqlar qurmaq və siyasi fayda götürmək məqsədi daşıyır.

Üçüncü kök: Geopolitik və iqtisadi maraqlar, xarici dəstək

 Höccətül-İslam vəl-müslimin Dirbaz üçüncü kökü izah edərkən xarici maraqların roluna diqqət çəkdi. O qeyd etdi ki, Qərbi Asiya regionunun təbii sərvətləri və imkanları  neft, qaz, mədənlər və insan potensialı  strateji baxışlar üçün güclü stimuldur. Bu amillər ABŞ kimi dövlətləri və özlərini xristianlığın müdafiəçisi kimi təqdim edən qrupları İsrail rejiminə dəstək göstərməyə sövq edib ki, regiondakı resurslara çıxış və təsir imkanları təmin edilsin.

Höccətül-İslam vəl-müslimin  Dirbaz əlavə etdi: dini təlimlərdən ideoloji məqsədlərlə sui-istifadə, saxta torpaq iddiaları və xarici maraqlara əsaslanan dəstəklərin birləşməsi nəticəsində “zalımcasına sionist rejim” zorakı hərəkətlərə əl atmış və öz varlığını bu cinayətlərin davamlılığında görmüşdür.

Sionist rejim  istibdadçı dövlətlərin cinayətkar qolu

Höccətül-İslam vəl-müslimin Dirbaz sionist rejimin fəaliyyətlərinə toxunaraq vurğuladı: bu gün saxta İsrail rejiminin həyata keçirdiyi addımlar əslində ABŞ, Böyük Britaniya, Fransa, Almaniya və bəzi digər dövlətlərin yönləndirdiyi qlobal istibdad siyasətlərindən başqa bir şey deyil.

Sionist rejimin Qərb siyasətlərinin icrasında rolu

Höccətül-İslam vəl-müslimin Dirbaz qeyd etdi ki, İsrail əslində Qərb dövlətlərinin icraedici qolu rolunu oynayır və bu rejimin cinayətlərinin kökündə həmin dövlətlərin bilavasitə və dolayı dəstəyi dayanır. Onun sözlərinə görə, Livan, Yəmən, Suriya, Tunis, İraq və İrana qarşı həyata keçirilmiş təkrar hücumlar, eləcə də son on iki günlük müharibə bu cinayətkar təbiətin nümunəsidir. O, əlavə etdi ki, sionist rejim hətta yeddi-səkkiz başqa ölkəyə qarşı hücum planlarını da gündəliyinə daxil etmişdir.

ABŞ-la bəzi ərəb ölkələrinin həmkarlığı

Xubriqan məclisinin rəyasət heyətinin üzvü həmçinin bölgədəki bəzi ərəb dövlətlərinin roluna toxunaraq bildirdi: təəssüf ki, xüsusilə Fars körfəzi hökumətlərindən bəziləri ABŞ-la birgə fəaliyyət göstərmiş və hətta Vaşinqton üçün müxtəlif “hədiyyələr” təqdim etmişlər.

O vurğuladı ki, ABŞ bir tərəfdən bu ölkələri Həmas kimi müqavimət hərəkatları ilə danışıqlara vadar edir, digər tərəfdən isə eyni vaxtda İsrailin həmin dövlətlərə qarşı hücumlarını dəstəkləyir.

ABŞ-ın ikili siyasəti

 Höccətül-İslam vəl-müslimin Dirbaz xatırlatdı ki, ABŞ-ın ikili siyasəti dəfələrlə üzə çıxmışdır: bir tərəfdən danışıqlar şüarı irəli sürür, digər tərəfdən isə hücum əmrini verir və sionist rejimin təcavüzlərini dəstəkləyir. Onun sözlərinə görə, bu siyasətin son nümunəsi Qətər hadisəsidir bir tərəfdən Həmas liderləri danışıqlara dəvət olunmuş, digər tərəfdən onların görüş və iqamət yerləri İsrail rejiminin hücumlarına məruz qalmışdır.

Hərbi məğlubiyyətin yerini blokada aldı

Höccətül-İslam vəl-müslimin Dirbaz daha sonra İsrailin uşaqlara qarşı qəddar siyasətini qınayaraq dedi: mənfur sionist rejim soyqırımla Qəzza və Fələstin xalqının iradəsini qıra bilmədiyi üçün hərtərəfli mühasirəyə, ərzaq və suyun kəsilməsinə əl atır.

Həmin ilahiyyatçı və universitet müəllimi Qəzza mühasirəsinin fəsadlarına diqqət çəkərək vurğuladı: yemək və suyun minimum səviyyədə paylanması, insanların gündəlik ehtiyaclarının təmininə maneə törədilməsi əslində “ölümün zorla qəbul etdirilməsi” deməkdir. Yardım almaq üçün növbəyə duranların əksəriyyəti ya bombardmanların hədəfinə çevrilərək şəhid olur, ya da aclıqdan həyatını itirir. Belə vəhşiliklərə imza atanlara insan demək mümkündürmü?

Beynəlxalq qurumlara etiraz

Xubriqan məclisinin rəyasət heyətinin üzvü BMT və Təhlükəsizlik Şurasının fəaliyyətini tənqid edərək qeyd etdi: bu qurumların bugünkü fəaliyyəti sionist rejimin müharibə cinayətləri qarşısında tamamilə təsirsiz qalmışdır və onlardan heç bir real reaksiya eşidilmir.

Höccətül-İslam vəl-müslimin Dirbaz BMT-də Fələstin xalqının hüquqları ilə bağlı qəbul olunmuş qətnamələrə istinad edərək vurğuladı: İsrail rejimi bu sənədlərə məhəl qoymur və beynəlxalq öhdəlikləri pozaraq fələstinlilərə aid tanınmış ərazilərə hücumlarını davam etdirir.

Mənfur sionist rejim qarşısında qlobal susqunluq və hərəkətsizlik

Höccətül-İslam vəl-müslimin Dirbaz bildirdi: əgər kimsə evimizə daxil olub bir neçə otağı zəbt etsə, heç bir sağlam düşüncə və ayıq vicdan bu vəziyyəti nə ədalət, nə də “həll yolu” kimi qəbul edə bilməz. Birləşmiş Millətlər Təşkilatının qərarları böyük güclərin təsiri altında olsa və xətalara yol versə belə, işğalçı tərəfin davranışları faktiki olaraq hər cür ədalət və öhdəliyi puç edir.

Höccətül-İslam vəl-müslimin Dirbaz vurğuladı: bu proses qarşısında beynəlxalq ictimaiyyətin susqunluğu və fəaliyyətsizliyi dünya üçün böyük utancdır. Biz beynəlxalq qurumlardan həmin qəddar, murdar və qaniçən rejimə qarşı daha ciddi mövqe sərgiləmələrini tələb edirik.

O, Qəzza zolağındakı humanitar vəziyyətə toxunaraq dedi: uşaqları qətlə yetirən İsrail rejimi insanları aclıq içində saxlayır ki, onlar aclıqdan ölsünlər; su və qida növbələrində isə aclıq və susuzluqdan əziyyət çəkənlərin üzərinə atəş açaraq onları şəhid edir. Bu cinayətlər təkcə daxili səviyyədə deyil, İsrail başqa ölkələrə də hücumlar həyata keçirir.

Ərəb və İslam ölkələrinin həmrəyliyinə çağırış

Xubriqan məclisinin rəyasət heyətinin üzvü sözlərinə davam edərək qeyd etdi: bölgədəki ərəb dövlətləri, xüsusən də Qətər və ABŞ-la yanaşı Qərb gücləri ilə yaxın münasibətləri olan digər hökumətlər İslam ümməti ilə həmrəy olmalı, bir yumruq kimi çıxış edərək İsrailə qarşı vahid mövqe nümayiş etdirməlidirlər. İslam ölkələri birləşərək hüquqi vasitələrlə İsrailin cinayətlərinə qarşı qətiyyətli tədbirlər görməlidirlər.

Nüvə silahlarının yayılmasının qarşısının alınması müqaviləsi və İsrailin nüvə ittihamları

 Höccətül-İslam vəl-müslimin Dirbaz nüvə silahlarının yayılmamasına dair müqaviləyə (NPT) istinad edərək bildirdi: təqribən yüz dövlət bu müqaviləyə qoşulmuş və nüvə silahlarının yayılmasının qarşısını almaq üçün qaydalar müəyyən edilmişdir. Lakin “saxta İsrail rejimi” bu öhdəlikləri qəbul etməmiş və nüvə başlıqlarını artırmaqda davam edir. Əgər əlverişli şərait yaransa, onun təcavüzkar təbiəti bu silahlardan istifadəyə vadar edəcəkdir.

Xəbərin Sonu