Hövzə Xəbər Agentliyinin paytaxt Tehran üzrə müxbirinin verdiyi məlumata görə, İslam Məzhəblərinin Yaxınlaşdırılması üzrə Ümumdünya Forumu Baş Assambleyasının üzvlərinin ilk regional iclası Cənub-Şərqi Asiya regionundan olan alimlər, fikir sahibləri və ziyalıların iştirakı ilə Kuala-Lumpurda keçirilib.
İclasda Avstraliya, İndoneziya, Tayland, Malayziya və İran İslam Respublikasının nümayəndələri iştirak edərək, İslam dünyasında birliyin və həmrəyliyin gücləndirilməsinin zəruriliyini vurğulayıblar.
Həmçinin, İslam Məzhəblərinin Yaxınlaşdırılması üzrə Ümumdünya Forumunun Baş Katibi Höccətül-İslam vəl-müslimin Həmid Şəhriyari forumun yeddi maddədən ibarət strateji sənədini təqdim edib. Bu sənəd “İslam ümməti və vahid mədəni kimlik” mərkəzində qurularaq, ümmətin elmi rəhbərliyi, intellektual şəbəkələşmə, birgə elmi inkişaf, dini ixtilafların azaldılması, təfriqəçilik və təkfirçi ideologiyalara qarşı mübarizə, sosial gücləndirmə, medianın və incəsənətin rolu, həmçinin İslam dünyasında institusional və mədəni həmrəyliyin təmin olunması kimi istiqamətləri əhatə edir.
İclasın davamında, forumun Baş Assambleyasının üzvlüyünə on beş alim və fikir sahibi seçilib.
Malayziya İslam Partiyasının Məsləhət Şurasının sədri Məhəmməd Əzmi Əbdülhəmid İslam dünyasının mövcud vəziyyətinə diqqət çəkərək bildirib ki, İslam məzhəblərinin yaxınlaşdırılması keçici bir ehtiyac deyil, bütün müsəlmanlar üçün dini bir vəzifə və ortaq məsuliyyətdir.
Ümumdünya Forumunun Ali Şurasının sədri və sünni alimlərindən olan Molla İshaq Mədəni isə İslam məzhəblərində həmrəyliyin möhkəmləndirilməsində alimlərin rolunu vurğulayaraq, konstruktiv dialoqun genişləndirilməsi, İslam məzhəbləri arasında qarşılıqlı hörmətin təmin olunması və radikal, müxaliflərə qarşı mübarizənin vacibliyini qeyd edib.
İclasın sonunda Höccətül-İslam vəl-müslimin Həmid Şəhriyari qərara alıb ki, Dr. Həbib Rza Ərzani, İran İslam Respublikasının Malayziyada mədəniyyət müşaviri, Cənub-Şərqi Asiya regionunda forumun Baş Assambleyasının ilk nümayəndəsi təyin edilsin.
Bu iclasın əsas məqsədi elmi və mədəni əməkdaşlığı gücləndirmək, həmçinin İslam dünyasında birliyin və yaxınlaşmanın dialoqunu genişləndirməkdir.
Rəyiniz