Hövzə Xəbər Agentliyinin yaydığı məlumata əsasən, Prensa Latina informasiya agentliyinin xəbərində qeyd olunur ki, Braziliyanın Xarici İşlər Nazirliyi çərşənbə günü birgə bəyanat yayıb və bəyanatı imza edənlər İsrail rejiminin Fələstinin işğal olunmuş ərazilərində fəaliyyətini genişləndirmək üçün birtərəfli addımlarını qətiyyətlə rədd etdiklərini vurğulayıblar. Bəyanatda bildirilir ki, bu addımlar "İsrailin beynəlxalq hüquq öhdəliklərinə ziddir" və "dərhal ləğv olunmalıdır".
Bu təşəbbüsə qoşulan ölkələr 1967-ci ildən bəri Fələstinin işğal olunmuş ərazilərində, o cümlədən Şərqi Qüdsdə, hər hansı demoqrafik dəyişiklik, ərazi statusu və xarakter dəyişikliklərinə qarşı çıxaraq ərazilərin ilhaqına qarşı qəti mövqe göstəriblər.
Bəyanatda imza atanlar "Nyu York Bəyannaməsinə" sadiqliyini, həmçinin BMT qətnamələri, beynəlxalq hüquq və Beynəlxalq Ədalət Məhkəməsinin (ICJ) 2024-cü ilin iyulunda verdiyi məsləhət xarakterli qərarı əsasında müvafiq tədbirlərin görülməsini dəstəklədiklərini bildiriblər.
Koalisiya həmçinin Fələstin xalqının öz taleyini müəyyən etmək hüququnu müdafiə edərək, şəhərsalma siyasətinə, məcburi köçkünlük təhdidlərinə və işğal olunmuş ərazilərin ilhaqına qarşı çıxmağı tələb edib. Bu ölkələr bir daha vurğulayıblar ki, "ədalətli və davamlı sülh yalnız iki dövlətli həllin tətbiqi və 1967-ci ilin sərhədləri əsasında, o cümlədən müstəqil və suveren Fələstin dövlətinin yaradılması ilə mümkündür".
Braziliyanın bu addımı, ölkənin Fələstin xalqının hüquqlarının müdafiəsi üzrə son siyasətinin davamı olaraq həyata keçirilib. Daha əvvəl də Braziliya hökuməti İsrail rejiminin Qərb Sahilində əmlakların ələ keçirilməsi və əldə olunmasını asanlaşdıran təhlükəsizlik tədbirlərini beynəlxalq hüquqa zidd hesab edərək tənqid etmişdi.
Keçən ilin yanvar ayında isə Braziliya Şərqi Qüdsdə Fələstin qaçqınları üçün Yardım və İş Agentliyinin (UNRWA) inzibati binasının dağıdılması ilə bağlı dərin narahatlığını ifadə edib və bu agentliyin təxminən altı milyon Fələstin qaçqını üçün fəaliyyətini davam etdirməsini dəstəklədiyini vurğulamışdır.
Braziliya Federativ Respublikasının Prezidenti Luiz İnasio Lula da Silvanın beynəlxalq forumlarda göstərdiyi mövqe beynəlxalq hüquqa sadiqlik, mülki şəxslərin müdafiəsi və Fələstinin işğal olunmuş ərazilərində humanitar təşkilatların tam fəaliyyətinin təmin olunmasına yönəlmiş siyasətini əks etdirir.
Rəyiniz