Hövzə Xəbər Agentliyinin verdiyi məlumata əsasən, həzrət Ayətullah Nuri Həmədani (24 aprel 2026-cı il) müqavimət qüvvələrinə, xüsusilə Livanın “Hizbullah” hərəkatına dəstək və bölgə hökumətləri tərəfindən şiələrə qarşı təzyiq və təqiblərin pislənməsi ilə bağlı məktub ünvanlayıb.
Məktubda deyilir:
Bağışlayan və mehriban Allahın adı ilə
Ayətullah üzma Nuri Həmədani ilk öncə, İmam Cəfər Sadiqin (ə) şəhadəti ilə bağlı başsağlığı verərək, son hadisələrə toxunub və qeyd edib ki, İsrail rejimi və ABŞ İran İslam Respublikasına qarşı hücumlarla yanaşı, eyni zamanda Livan xalqına da vəhşi hücumlar həyata keçirərək çox sayda insanın şəhid və yaralanmasına səbəb olub.
Ayətullah Nuri Həmədani vurğulayıb ki, bütün azad düşüncəli insanlar bu cinayətləri pisləməli və xüsusilə müqavimət qüvvələrini, o cümlədən “Hizbullah”ı dəstəkləməlidirlər. O əlavə edib ki, Livan xalqı bilməlidir ki, İran İslam Respublikası onların yanındadır.
Məktubda həmçinin qeyd olunub ki, bəzi İslam ölkələrində şiələrə qarşı təzyiq və sərt davranışlarla bağlı xəbərlər gəlməkdədir. O, bu ölkələrin hökumətlərinə çağırış edərək bildirib ki, onlar istikbar və sionist rejimin ardınca getməkdən imtina etməli, öz xalqının izzətini düşünməli, bu təzyiq və həbslərə son qoymalı və İslam ümmətinin birliyi istiqamətində hərəkət etməlidirlər.
Sonda isə Qurani-Kərimin bu ayəsinə istinad edilib:
إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ
“Əgər Allaha (Allahın dininə) yardım etsəniz, O da sizə yardım edər və mövqeyinizi möhkəmləndirər.” ( Məhəmməd surəsi 7)
24 aprel 2026-cı il
Ayətullah Hüseyn Nuri Həmədani
Xəbərin sonu
Rəyiniz