Hövzə Xəbər Agentliyinin verdiyi məlumata görə, Seyid Müctəba Xamenei İbrahim Rəisinin şəhadətinin ikinci ildönümü və “xidmət şəhidləri”nin anılması münasibətilə məktub yayımlayıb.
Məktubun mətni aşağıdakı kimidir:
Bağışlayan və mehriban Allahın adı ilə
“May ayında uçuş zamanı şəhid olanların” və xüsusilə prezident İbrahim Rəisinin xatirəsinin anılması İran İslam Respublikasında xidmət edən şəhidlər silsiləsini yada salır. Bu silsilə Mürtəza Mütəhhəri, Məhəmməd Behişti, Məhəmməd Əli Rəcai və Əbülfəzl Baһünərdən başlayaraq Əmir Abdullahian və Hüseyn Əli Laricaniyə qədər davam edir.
Onlar Ayətullah İmam Xomeyni və Seyid Əli Xamenei məktəbinin yetişdirdiyi, xidmət və fədakarlıq ruhu ilə seçilən görkəmli şəxsiyyətlərdir. Onlar İran İslam Respublikasında məsuliyyət daşıyanların xidmət yolunu öz qanları ilə zinətləndirmişlər.
Şəhid İbrahim Rəisinin bariz xüsusiyyətləri arasında məsuliyyət, gənclərə diqqət, ədalətə bağlılıq, aktiv və faydalı diplomatiya və xüsusilə xalqla yaxınlıq və xidmət yönümlü fəaliyyət qeyd olunur.
Bu xüsusiyyətlər İranın dostlarının, o cümlədən qüdrətli müqavimət cəbhəsinin mücahidlərinin və nizama bağlı çoxsaylı xeyirxah insanların ümid və ruh yüksəkliyinin artmasına səbəb olurdu. Bütün bunlar isə onun ruhunun dərinliklərindən qaynaqlanan mənəviyyatla vəhdət təşkil edirdi.
Məsul şəxslərlə xalq arasındakı münasibətlərdə təsirli müsbət xüsusiyyətlər qarşılıqlı qədirbilənliyə səbəb olur. Buna görə də onun öz mövlası və mürşidi olan həzrət Əli ibn Musa Rzanın (ə) müqəddəs hərəminə yolasalma mərasimi misilsiz izdiham və əzəmətlə baş tutdu.
Həmin şəhidin yarımçıq qalan prezidentlik dövrü, ölkənin müstəqilliyini qorumaqla yanaşı, xalq və dövlət naminə göstərilən səy və fədakarlığın bir ölçüsü və nümunəsi oldu.
Bu gün biz İran xalqının iki qlobal terrorçu orduya qarşı göstərdiyi misilsiz tarixi müqavimətin qəhrəmanlıq səhnələrinin şahidiyik. Bu məsələ İslam Respublikası rəsmilərinin, o cümlədən rəhbərlikdən və üç hakimiyyət qolunun başçılarından tutmuş bütün idarəetmə səviyyələrinə qədər məsuliyyət yükünü əvvəlkindən daha da ağırlaşdırır.
Bu gün xalqın, dövlətin və İslam Respublikasının bütün qurumlarının birliyinin qədrini bilmək, məsul şəxslərin motivasiya və xidmət ruhunu daha da gücləndirməkdə, xalqın xüsusilə iqtisadi və məişət problemlərinin həllində, birbaşa və meydan fəaliyyətlərində, həmçinin inkişaf yolunda fəal xalq iştirakının təmin edilməsində və aydın gələcəyə doğru ümidli hərəkətdə özünü göstərməlidir.
Xidmət və fədakarlıq yolunun şəhidləri üzərinə Allahın rəhmət və razılığı olsun. İlahi yardım və ağamız İmam Zamanın (ə) duaları daim İran İslam Respublikasının müsəlman xalqına xidmət edənlərin dayağı olsun.
Seyid Müctəba Hüseyni Xamenei
20 may 2026
Xəbərin sonu
Rəyiniz