Hövzə Xəbər Agentliyinin verdiyi məlumata görə, Ayətullah Ərafinin rəhbərlik etdiyi Elmi hövzələrin nümayəndə heyəti İmam Hüseynin (ə) Ərbəin mərasimində Elmi hövzələrin beynəlxalq təbliğatçı alimlərinin fəaliyyətini yerində qiymətləndirmək məqsədilə İraqa səfər edib.
Nümayəndə heyəti Mehran sərhəd-keçid məntəqəsindən İraqa daxil olduqdan sonra ilk olaraq Kut təbliğat istiqamətinə gedərək həmin bölgədə və Mehran sərhədində fəaliyyət göstərən təbliğatçıların dini və mədəni xidmətləri ilə yaxından tanış olub.
Səfər çərçivəsində Elmi hövzələrin Ərbəin Komitəsinin rəhbəri Höccətül-İslam vəl-müslimin Musəvizadə, Elmi hövzələrin İdarəetmə Mərkəzinin İnsan resursları və dəstək üzrə müavini Höccətül-İslam vəl-müslimin Haşimi, Elmi hövzələrin rektorunun ofisinin məsul şəxsi Əlizadə və Elmi hövzələrin Media və Virtual Məkan Mərkəzinin rəhbəri Rüstəmi təbliğat mökəblərində olub, təbliğatçı alimlərlə görüşərək onların fəaliyyəti barədə fikir mübadiləsi aparıblar.
Nümayəndə heyətinin üzvləri beynəlxalq təbliğat sahəsində və İmam Hüseynin (ə) zəvvarlarına göstərilən dini-mədəni xidmətlərdə təbliğatçıların səylərini yüksək qiymətləndirərək, Ərbəin yürüşü boyunca ruhani alimlərin təbliğat missiyasının mühüm əhəmiyyət daşıdığını vurğulayıblar.
Bildirilib ki, nümayəndə heyətinin digər təbliğat istiqamətlərinə də səfərləri davam edəcək.
Rəyiniz