Hövzə Xəbər Agentliyinin verdiyi məlumata görə, Ayətullah Əlirza Ərafi hövzələrin mərkəzi və yerli idarələrinin rəhbərlərinə, həmçinin İran və dünyanın müxtəlif ölkələrində fəaliyyət göstərən ruhani və təbliğatçılara ünvanladığı məktubda onları hərtərəfli, genişmiqyaslı, ümumi və həmçinin kompleks hazırlığı davam etdirməyə, eləcədə xalqın, əziz gənclərin və inqilabçı qüvvələrin yanında elmi, mənəvi, inqilabi və praktiki fəaliyyətlərini daha da gücləndirməyə çağırıb.
Elmi hövzələrin rektoru, həmçinin yeni tədris ilinin başlanmasına tam hazırlığın təmin edilməsinin, elmi hövzələrin və əziz tələbələrin, xüsusilə də yeni qəbul olunanların elmi, mənəvi və inqilabi inkişafı üçün zəruri şəraitin yaradılmasının, bütün mövcud şərait nəzərə alınmaqla, vacibliyini vurğulayıb.
Hövzə müavinləri və rəhbərlərinə xüsusi tapşırıq
Ayətullah Ərafi hövzələrin mərkəzi və yerli idarələrinin müavin və rəhbərlərindən yeni tədris ilinin açılışı ilə bağlı xüsusi proqramların, gələn ilin prioritetlərinin, islahat layihələrinin və proqramlarının, hövzə mənsubları üçün yeni xidmətlərin, eləcə də təbliğat, inqilabi və praktiki tədbirlərin hazırlanmasını istəyib.
Elmi hövzələrin rektorunun məktubunun tam mətni aşağıdakı kimidir:
Bağışlayan və mehriban Allahın adı ilə
Hörmətli Mərkəzi idarənin və Qumun hörmətli müavinləri və rəhbərləri, əziz vilayət rəhbərləri, eləcədə İranın və həmçinin dünyanın müxtəlif ölkələrində fəaliyyət göstərən möhtərəm ruhani və dəyərli təbliğatçılar!
Sizə salam və ehtiramımı çatdırır, uca Allahdan daha çox müvəffəqiyyətlər arzulayıram.
Sizin hər birinizə, bütün dəyərli həmkarlarınıza, İran və dünyanın müxtəlif ölkələrində fəaliyyət göstərən bütün alimlərə, müəllimlərə, təbliğatçılara və əziz ruhanilərə, eləcə də elmi hövzələrə, xüsusilə Qum, Nəcəf, Məşhəd və Tehran hövzələrinə səmimi-qəlbdən təşəkkür edirəm. Siz Ramazan ayında baş vermiş müharibə dövründə, həmçinin şəhid Ayətullah Xameneinin (Allah ona rəhmət eləsin) və İranın, eləcə də müqavimət cəbhəsinin digər uca məqamlı şəhidlərinin İran, İraq və dünyanın müxtəlif ölkələrində keçirilən dəfn və anım mərasimlərində göstərdiyiniz davamlı, inqilabçı, cihad ruhlu, elmi, praktiki və düşüncə yönümlü fəaliyyətinizə görə böyük minnətdarlığa layiqsiniz.
Həmçinin İranda və İraqda Ərbəin xeymələrində göstərdiyiniz fədakar xidmətlərə, İslamın, İslam İnqilabının, eləcədə İslam Respublikasının, vətənin, Ali Məqamlı Rəhbərin, silahlı qüvvələrin və həmçinin İran xalqının müdafiəsi istiqamətində həyata keçirdiyiniz mücahidcəsinə fəaliyyətlərə görə, eləcə də hövzələrin bütün dəyərli qurumlarına, vilayət mərkəzləri və şəhərlərdə fəaliyyət göstərən "Bəlaği-Mubin" qərargahına, qurumların Koordinasiya Şurasına, vilayət hövzələrinin şuralarına, məsul şəxslərə, rəhbərlərə, əməkdaşlara, müəllimlərə, təbliğatçılara və Qumda, eləcə də ölkənin bütün bölgələrində, xüsusilə müharibənin ön cəbhəsində yerləşən vilayətlərdə fəaliyyət göstərən mədrəsə və hövzə mərkəzlərinin əziz tələbələrinə dərin təşəkkürümü bildirirəm.
Bununla yanaşı, böyük təqlid mərcələrinə və hövzələrin Ali Şurasına da səmimi minnətdarlığımı ifadə edirəm.
Məhərrəm və Səfər aylarında İranın və dünyanın müxtəlif ölkələrində fəaliyyət göstərən bütün dəyərli təbliğatçılara, həmçinin Ərbəin əzəmətli sivilizasiya yürüşündə və İranla İraqdakı Ərbəin xeymələrində iştirak edən, bu tədbirlərin təşkilinə töhfə verən bütün fədakar insanlara dərin təşəkkürümü bildirirəm.
Uca Allahdan bütün bu dəyərli insanların izzət və başucalığı, İslamın, İslam İnqilabının, İranın və müqavimət cəbhəsinin bu tarixi və sivilizasiya xarakterli mübarizədə qələbəsini diləyir, bütün bu mübarizələrin, xidmətlərin və fədakarlıqların uca Allah dərgahında qəbul olunmasını və İmam Zamanın (ə.f) xüsusi diqqətinə nail olmasını arzulayıram.
Əvvəlki müraciətlər, bəyanatlar və bildirişlərin davamı olaraq üç mühüm məqamı bir daha xatırladıram:
1. Böyük ruhani camiəsinin, elmi hövzələrin, hövzə qurumlarının, hövzə məktəb və mərkəzlərinin ölkə üzrə hərtərəfli, genişmiqyaslı, ümumi və kompleks hazırlığını davam etdirməsinin, həmçinin yayımlanmış göstərişlərə uyğun olaraq xalqın, əziz gənclərin və inqilabçı qüvvələrin yanında elmi, mənəvi, inqilabi və praktiki fəaliyyətini davam etdirməsinin zəruriliyi.
2. Yeni tədris ilinin başlanmasına tam hazırlığın təmin edilməsi, bütün mövcud şərait nəzərə alınmaqla və verilmiş göstərişlər əsasında elmi hövzələrin və əziz tələbələrin, xüsusilə yeni qəbul olunanların elmi, mənəvi və inqilabi inkişafı üçün lazımi zəminin hazırlanması.
3. Bütün mərkəzi və yerli idarələrin müavin və rəhbərləri yeni tədris ilinin başlanğıcı ilə bağlı xüsusi proqramlarını, gələn tədris ili üçün prioritetlərini, islahat layihələrini, proqram və yeni xidmətlərini, həmçinin təbliğat, inqilab və praktiki tədbirlərlə bağlı planlarını qısa şəkildə avqust ayının sonunadək hazırlayıb elan etməlidirlər.
Dərin ehtiramla
Ölkə üzrə Elmi hövzələrin rektoru
Əlirza Ərafi
Rəyiniz