Hövzə Xəbər Agentliyinin tərcümə qrupunun verdiyi məlumata görə, İraqın Qanunun Aliliyi Koalisiyasının sədri Nuri əl-Maliki, Şəhid Ayətullah Seyid Əli Xameneinin mübarək nəşinin müqəddəs Nəcəf şəhərinin hava limanına gətirilməsi ilə eyni vaxtda bildirib: Şəhid Ayətullah Seyid Əli Xameneinin yolunu davam etdirmək və onun dəfn mərasimində iştirak etmək hər kəsin vəzifəsidir. Çünki o, mətinliklə dayanan, müqavimət göstərən, düşmənlə üz-üzə gələn və İran xalqına qələbə bəxş edən böyük bir rəhbər idi.
Maliki deyib: İraq xalqının dəfn mərasimində iştirakı və digər mövqeləri ilə ortaya qoyduğu hər nə varsa, nə qədər böyük olsa da, təkcə İran xalqı üçün deyil, bütün region ölkələri üçün böyük bir gələcək quran bu böyük şəxsiyyətin haqqını ödəməyə kifayət etmir.
O əlavə edib: Bu gün etdiklərimiz bu böyük liderin xatirəsini uca tutmaq zərurətindən irəli gəlir. O, mətinliklə dayandı, müqavimət göstərdi, böyük hərbi gücləri ilə tanınan dövlətlərlə qarşı-qarşıya gəldi və sonda qələbəni təmin etdi. İran xalqı da səbir, müqavimət və möhkəm iradəsi sayəsində, qarşılaşdığı bütün çətinliklərə və itkilərə baxmayaraq qalib gəldi. O qeyd edib ki, bunun nəticələri İran İslam Respublikasının həm siyasi danışıqlar sahəsində, həm də qarşıdurma meydanlarında qazandığı uğurlarda öz əksini tapdı.
Nuri əl-Maliki vurğulayıb: İraqın bu gün verdiyi aydın mesaj göstərir ki, İran İslam Respublikası tək deyil. Onun yanında dayanan və ona dəstək verənlər var. Bu respublika haqq yolundadır və dünyanın müxtəlif ölkələrində çoxsaylı tərəfdarları mövcuddur. Hətta bəzi xalqlar yaşadıqları siyasi şəraitə görə bunu açıq şəkildə ifadə edə bilməsələr belə.
Rəyiniz