Hövzə Xəbər Agentliyinin verdiyi məlumata əsasən, Ayətullah Əlirza Ərafi Qum şəhərində yerləşən İmam Xomeyni (r) adına Ali Təhsil Kompleksinin Qüds konfrans salonunda Hindistan alimləri və tələbələri ilə keçirilən həmfikirlik iclasında çıxış edərək, Hindistan alimləri ilə görüşdən məmnunluğunu ifadə edib və deyib:
Sizinlə görüşü böyük bir xoşbəxtlik hesab edirəm və bir daha sizin məclisinizdə olduğum üçün Allaha şükür edirəm. Mən həmişə Hindistan alimlərinə xüsusi məhəbbət və hörmət bəsləmişəm. Onlar ömürlərini və səylərini İslamın yüksəlişi və ilahi maarifin yayılması yolunda sərf etmiş, tarixdə silinməz izlər qoymuş şəxsiyyətlərdirlər.

Elmi Hövzələrin rektoru Hindistan alimlərinin İslam tarixindəki parlaq keçmişinə işarə edərək bildirib: Hindistan torpaqlarından İslam dünyasında təsirli olmuş böyük alimlər yetişmişdir. Onlar müxtəlif etiqadi və ictimai sahələrdə mühüm rol oynamış və adları elm və dini cihad sahəsində əbədi olaraq qalmışdır. Siz də həmin yolun davamçıları olmalısınız.

Ayətullah Ərafi çıxışının davamında İslam Peyğəmbərinin (s) xüsusiyyətlərinə toxunaraq dedi:
Peyğəmbəri-Əkrəm (s) elə bir mühitdə dünyaya gəldi ki, onun olduğu cəmiyyət tənəzzül, şirk və fəsad içində idi. Lakin pak bir ailə mühitinə və nurani irsə sahib olaraq, ictimai şərait üzərində üstünlük qazandı və onu tövhid və ilahi sivilizasiya yoluna yönəltdi. Bu bizim üçün ən böyük tərbiyə dərsidir. Həmçinin ailə və mənəvi keçmiş bütün ətraf mühit faktorlarına qalib gələ bilər.

O əlavə edib: “İslam Peyğəmbəri (s) təkcə özünü cəmiyyətin azğınlıqlarından qorumaqla kifayətlənmədi, həm də ilahi risalət vasitəsilə cahiliyyət toplumunu tövhidə inanan və irəliləyişə yönəlmiş bir cəmiyyətə çevirdi. Bu gün Hindistanın tələbə və alimlərinin də izləməli olduqları məhz həmin nümunədir; yəni yalnız özlərini qorumaqla kifayətlənməyib, cəmiyyətə təsir göstərməli, mərifət və əxlaqla xalqın yolunu dəyişdirməlidirlər.

Elmi Hövzələrin rektoru Peyğəmbəri-Əkrəmin (s) ailə irsinin əhəmiyyətinə toxunaraq qeyd edib:
“Peyğəmbərin (s) ailəsi pak və nurani bir silsilə idi ki, Həzrət İbrahimdən (ə) başlayaraq Əbdülmüttəlib və Abdullah (ə) vasitəsilə davam etmiş və Peyğəmbəri-Əkrəmin (s) vücudunda zirvəyə çatmışdır. Bu ilahi miras, ailəvi və ictimai tərbiyə ilə birləşərək, risalətin zəminəsini yaratdı və göstərdi ki, böhranlı şəraitdə belə iman və sağlam ailə dayağı ilə mühitin fəsadına qalib gəlmək mümkündür.

Ayətullah Ərafi çıxışının başqa bir hissəsində tələbələrin vəzifəsinə diqqət çəkərək deyib:
“Tələbə və ruhanilər Peyğəmbəri-Əkrəmin (s) sünnəsini öz həyatlarında həyata keçirməlidirlər. Necə ki, Həzrət (s) nizamsız və öz kimliyini formalaşdırmamış  bir cəmiyyəti tarixdə təsirli və dinamik bir millətə çevirdi, siz də bu yolda addımlamalısınız. Elm, əxlaq, hikmət və Peyğəmbərin (s) həyat tərzi sizin işinizin əsas prinsipi olmalıdır ki, Hindistan cəmiyyətini tərəqqi və ədalətə doğru yönləndirə biləsiniz.

O əlavə edib: “Həzrət Peyğəmbərin (s) həyat yolu bütövlükdə inkişaf, hikmət və ağıldan ibarət idi. Onun danışığı, sözün tamamı, əməli hikmətin meyarı, sünnəsi isə insanlığın inkişafına səbəb olan parlaq bir çıraq idi. Bu böyük missiya bu gün alimlərin və tələbələrin çiynindədir.

Elmi Hövzələrin ölkə üzrə rektoru çıxışının sonunda qeyd edib:
“Hindistanın tələbələri bilməlidirlər ki, onların missiyası yalnız fərdi kimliyi qorumaq deyil həm də ictimai mühitə təsir göstərməkdir. Peyğəmbəri-Əkrəmdən (s) nümunə götürərək mədəni, dini və sosial sahələrdə parlamalıdırlar.

Necə ki, Hindistanın böyük alimləri keçmişdə silinməz izlər qoymuşdular, bu gün də yeni alim nəsli elm və əxlaq cihadı ilə bu yolu davam etdirməlidir.

Xəbərin sonu