Hövzə Xəbər Agentliyinin məlumatına görə, Camiətüz-Zəhra (s.ə) qadınlar hövzəsinin müəllimi və müdiri (Əhvaz, Xuzistan vilayəti), xanım Suğra Nurəfşan,  bir müsahibəsində “hicab tərzi və dini kimliyin səssiz şəkildə dəyişməsi” mövzusuna toxunaraq bildirib: Yeni yaranan “hicab tərzi” fenomeni, hazırkı cəmiyyətdə diqqətəlayiq və ciddi məsələlərdən biridir və hicabın əsl mənası ilə açıq ziddiyyət təşkil edir.

O qeyd edib ki, “hicab” zinətlərin örtülməsi və zinətdən uzaq durmaq deməkdir, halbuki “tərz” (style) anlayışı bir çox hallarda özünü göstərmək və diqqət çəkmək mənasını daşıyır ki, bu da hicabın fəlsəfəsi ilə tamamilə ziddiyyət təşkil edir.
Allah-Təala Qurani-Kərimdə qadınları açıq-aydın tərzdə tərbiyə edərək, ilk cahiliyyət dövründəki özünü göstərmək və əxlaqdan kənar davranışlardan uzaq durmalarını buyurur. Əhzab surəsinin 33-cü ayəsində belə deyilir:
وَلَا تَبَرَّجْنَ تَبَرُّجَ الْجَاهِلِیَّةِ الْأُولَیٰ..،

 “Və evlərinizdə oturun, özünüzü sakit saxlayın; lazımsız yerə evdən çıxmayın və əvvəlki cahiliyyət dövründə olduğu kimi özünüzü nümayiş etdirməyin və bəzənməyin.”

Hicab tərzinin kişilərin davamlı evliliyə marağını azaltması

Xanım Nurəfşan bildirib ki, “hicab tərzi” fenomeninin ciddi zərərlərindən biri qızlar arasında mənfi rəqabətin artmasıdır. Bu rəqabət, kişilərdə müxtəliflik axtarışını gücləndirərək, ailə həyatının soyumasına və boşanmaların artmasına səbəb olur.
O əlavə edib ki, qadınların zinəti kişilərdə müvəqqəti həzz yarada bilər, lakin zaman keçdikcə onların real və davamlı evliliyə olan marağı azalır, nəticədə ən çox zərəri isə qızlar çəkir.

İstehlakçılıq mədəniyyətinin artması və psixoloji-sosial problemlər

Əhvaz şəhərinin Camiətüz-Zəhra (s.ə) hövzəsinin müəllimi və müdiri “hicab tərzi” fenomeninin digər zərərlərinə də toxunaraq deyib: “Hicab tərzi” həmçinin istehlakçılıq mədəniyyətini göstərir ki, bunun ilə mübarizə aparmaq vacibdir. Bundan əlavə, həyatdakı uğursuz təcrübələr, davamlı narazılıq və mənfi emosiyalar qızlarda sakitliyi pozur və ciddi psixoloji və sosial çətinliklər yaradır.

“Hicab tərzi” fenomeninə qarşı elmi və praktik tövsiyələr

Xanım Nurəfşan bu fenomenə qarşı praktik və tətbiqi yolları izah edərək bildirib: Yeni yaranan “hicab tərzi” fenomeninə qarşı bir sıra praktik və tətbiqi həll yolları mövcuddur. Bunlardan ən vacibləri “hicabın düzgün tədrisi və fəlsəfəsinin ailədən başlayaraq məktəblər və universitetlər vasitəsilə izah edilməsi” tövsiyəsidir. Məqsəd, islami hicabın əsl mənasının gənc nəsillərə çatdırılması, modaya və istehlakçılığa yol verilməməsi, həmçinin hicabla bağlı yanlış təsəvvürlərin qarşısının alınmasıdır.

Xanım Nurəfşan əlavə edib: Din və İran-İslam mədəniyyətində iffət və hicabın düzgün mövqeyinin başa düşülməsi üçün elmi və praktik tədris məzmunları hazırlanması qızlarımızı bu mənfi fenomenin təsirindən qorumağa kömək edə bilər. Eyni zamanda, “milli media və sosial şəbəkələr” bu sahədə müsbət nümunələrin yaradılmasında mühüm rol oynayır.

Əhvaz şəhərinin Camiətüz-Zəhra (s.ə.) hövzəsinin müəllimi və müdiri yekunda bildirib: Qızların mənəvi və dini kimliyinin gücləndirilməsi, yeniyetmələrin düzgün şəxsiyyət formalaşdırılmasına dəstək verilməsi və onlarda dəyərli bir varlıq hissinin yaradılması” bu istiqamətdə əhəmiyyətli zəmin yaradır və yeni yaranan “hicab tərzi” fenomeninin qarşısını almağa kömək edə bilər.

Xəbərin sonu.