Hövzə Xəbər Agentliyinin Tehran üzrə müxbirinin verdiyi məlumata əsasən, Fələstin İslam Müqavimət Hərəkatı (HƏMAS) dünən, şənbə günü yaydığı bəyanatda bildirib ki, BMT-nin ötən oktyabr ayında təkcə işğal olunmuş İordan çayının qərb sahilində sionist məskunlaşanlar tərəfindən Fələstin xalqına və onların əmlakına qarşı 260-dan çox hücumu qeydə alması və ilin əvvəlindən bu yana təxminən 1500 hücumun baş verməsi sionist rejimin Fələstin xalqına qarşı həyata keçirdiyi sistematik terror və işgəncə siyasətinin açıq sübutudur. Bu siyasətin məqsədi xalqı öz torpaqlarından köçürmək və qorxu və hökmranlığa əsaslanan müstəmləkəçi, irqçi reallığı qəbul etdirməkdir.

HƏMAS hərəkatının bəyanatında deyilir: Zeytun məhsulunun yığım mövsümündə kənd təsərrüfatı torpaqlarının məqsədyönlü və təkrarlanan şəkildə hədəfə alınması Fələstinli kəndlilərə təzyiq göstərmək cəhdidir. Bu isə işğalçıların Fələstinliləri köçürmək, məskunlaşmanı genişləndirmək və onların İordan çayının qərb sahili üzərində nəzarətini möhkəmləndirmək planı çərçivəsində həyata keçirilir.

HƏMAS hərəkatı beynəlxalq ictimaiyyəti, BMT-ni və bütün əlaqədar tərəfləri öz hüquqi və mənəvi məsuliyyətlərini yerinə yetirməyə, bu təcavüzləri pisləməyə, məskunlaşanların terrorunun və Fələstin xalqına qarşı İordan çayının qərb sahilində həyata keçirilən təşkilatlanmış hücumların dayandırılması üçün işğalçı dövləti təzyiq altına almağa çağırıb.

Həmçinin, HƏMAS sionist rejimin rəhbərlərinin Fələstin xalqına, torpaqlarına və müqəddəs dəyərlərinə qarşı davam edən cinayətlərinə görə beynəlxalq məhkəmələrdə məsuliyyətə cəlb olunmasını tələb edib.

Xəbərin sonu.