Ölkə Elmi Hövzələrinin rektoru Ayətullah Ərafi Hövzə Xəbər Agentliyinə verdiyi açıqlamada bildirib ki,
hazırda ölkəmiz çox həssas və xüsusi günlərdən keçir və biz İslam İnqilabının möhtəşəm tarixində mühüm bir dönüş nöqtəsində dayanırıq.

O, şəhidlərin və şəhidlər ağası İmam Hüseynin (ə) əziz xatirəsini ehtiramla yad edərək
İslam ölkəsinin müdafiəsində canından keçən Silahlı Qüvvələrə və düşmənə qarşı hazırlıq üçün zəruri tədbirləri görən bütün qurumlara təşəkkürünü bildirib.

Ayətullah Ərafi əlavə edib: Xüsusilə, bu möhtəşəm iştirakın qəhrəmanlarını  fədakar və cəsur gəncləri, ləyaqətli qadın və kişiləri, vətənpərvər xalqımızı  təşəkkürə layiq görürük. Onlar tarixi bir mövqe nümayiş etdirdilər.

Milli həmrəylik üçün minnətdarlıq 

Ölkə Elmi Hövzələrinin rektoru Ayətullah Ərafi sözlərinə davam edərək deyib:  Bu günlərdə İran xalqının ardıcıl, ayıq və milli həmrəylik içindəki möhtəşəm iştirakı həm İslam, həm də İran üçün qürurverici bir tablo yaratdı.
İranın bütün qadın və kişilərinə, şərəfli gənclərə və ölkənin müdafiəçilərinə təşəkkür etmək borcumuzdur.

Vətən və İnqilab müdafiəçilərinə təşəkkür edirəm

Ölkə Elmi Hövzələrinin rektoru Ayətullah Ərafi bildirib: Hövzə və böyük qurumlar adından vətənin və İslam İnqilabının bütün müdafiəçilərinə, xüsusilə də müdafiədə iştirak edən Silahlı Qüvvələrə, raket atışlarında fəal olanlara, meydanda rol oynayan bəsici qüvvələrinə, polisə, hörmətli Sepah və güclü orduya, həmçinin bütün təhlükəsizlik və kəşfiyyat  qurumlarına təşəkkür edirəm. Təbii ki, xalqımız bu böyük hərəkətin və möhtəşəm qəhrəmanlığın öndəgedəni və məşəl daşıyıcısı olmuşdur.

Elmi Hövzələrin tələbələri, müsəlmanların vəli əmri ilə yeni əhd və vəfası

O əlavə edib: Ən çox isə Ali və əzəmətli Rəhbərimizə təşəkkür etməliyik və bu nemətə görə Allaha şükr etməliyik. Həmçinin Ali Rəhbərimizin hikmətli, məntiqli, qətiyyətli və  meydanda hazır olan rəhbərliyinə hörmət və sayğı ilə yenidən sədaqətimizi bildirirəm.

Nəcəf və Qumun ali mərcəilərinə təşəkkür

Ayətullah Ərafi qeyd edib: Nəcəf və Qumdakı ali mərcəilərimizin həmrəylik və rəhbər haqqında olan açıqlamalarına, söz və baxışları ilə meydanda rol oynamalarına, həmçinin elm sahəsində böyük alimlərə, hörmətli müəllimlərə, hövzə və universitet alimlərinə minnətdarlığımı bildirirəm.

Hövzə xalqın xidmətçisi kimi həmişə xalqın yanında olmuş və dünyaya yeni bir baxış təqdim etmişdir. Bu inqilabi məntiq İmamın (r) təlimlərinə əsaslanır. Biz hamımız bir yerdə İranın müstəqilliyi, azadlığı, şərəfi və şöhrəti üçün dayanmışıq. Hövzə bütün tarixi dövrlərdə İranın inkişafı üçün fəaliyyət göstərmişdir.

Bu ilki Məhərrəm ayının şücaət və qəhrəmanlığın nümunəsi olacaqdır 

Ölkə Elmi Hövzələrinin rektoru əlavə edib ki, bu ilki Aşura mərasimi şüur, həyəcan, məlumat və qəhrəmanlıq baxımından fərqli rəng və qoxuya boyanacaqdır. Bu fürsətdən istifadə edib, ruhaniyyətə və İran xalqına İslam İnqilabının həqiqi mövqeyini xatırlatmaq lazımdır.

Dəyərli İslam İnqilabı

Ölkənin Elmi Hövzələrinin Ali Şurasının üzvü əlavə etdi: Məsələn, Müqəddəs Müdafiə uğurları, elmi irəliləyişlər və Müqavimət oxunun formalaşması İslam İnqilabının təzahürləridir,
amma İnqilabın mahiyyəti çox daha ali, parlaq və günəş kimi nur saçan bir inci kimidir.

O bildirdi ki, İslam İnqilabının başlanğıcı saf dini düşüncələrə əsaslanır və əlavə etdi:
Bu dialoq Quran, sünnət və İslam düşüncəsindən qaynaqlanıb,
və İmam Xomeyni (r.ə) öz təfsiri ilə müasir dövrdə ona bənzərsiz parlaqlıq bəxş edib.

İslam İnqilabının qlobal hegemonluğa qarşı etirazı

Ölkənin Elmi Hövzələrinin rektoru Ayətullah Ərafi İslam İnqilabını ikinci dünya müharibəsindən sonra dünyada hökm sürən hegemonluq sisteminə qarşı etiraz kimi dəyərləndirdi:
Müharibədən sonra yeni zalım güclər beynəlxalq təşkilatlara və qlobal quruluşlara hakim oldular,
İslam İnqilabı isə bu ədalətsiz nizama qarşı dayandı.
Bu etiraz bütün bəşəriyyətin təmiz vicdanından qaynaqlanır.
Azad insanlıq anlayır ki, BMT Təhlükəsizlik Şurasındakı ədalətsiz veto hüququndan tutmuş genişmiqyaslı cinayətlərə qədər  bütün bunlar dünya gücünün səhv təşkilindən doğur.

Beynəlxalq sistemdə kök salmış ədalətsizlik

Ölkənin Elmi Hövzələrinin rektoru hegemonluq sisteminin İkinci Dünya Müharibəsindən sonra yaratdığı nəticələrə işarə etdi:
Hegemonluğun nəticəsi dünyada ədalətsizliyin kök salmasıdır.
Əsası olmayan, amma iddialı və təəssübkeş Amerika ilə digər hegemon güclər son 80 ildə yüzdən çox müharibə başlatdı və onlarla ölkəni işğal etdi.
Afrikadan Asiyaya qədər ölkələrin sərvətlərinin talan edilməsi, müharibələr, işğallar və davamlı yanğınlar hegemonluq sisteminin əsas xüsusiyyətlərindəndir.
Onların cinayət işləri o qədər çoxdur ki, saymaq mümkün deyil.

Sionist rejimi  hegemonluq sisteminin özüdür

Ölkə Elmi Hövzələrinin Ali Şurasının üzvü qeyd etdi: Bu hegemonluq sisteminin simvolu olaraq, zorla yaradılmış və əsası ədalətsizliyə dayanan bir varlıq var və onun cinayətləri o qədər çoxdur ki, hesablamaq mümkün deyil.

İslam İnqilabının iki əsas təbəqəsi

Ölkə Elmi Hövzələrinin rektoru Ayətullah Ərafi İslam İnqilabının aspektlərini belə bölüşdürdü:
Birinci təbəqə qlobal hegemonluq sisteminə etirazdır, ikinci təbəqə isə yeni, mənəviyyat, ədalət və qlobal əməkdaşlıq üzərində qurulmuş məntiqin təqdimidir.
Bu yeni məntiq iddia edir ki, dünya güc sistemi mənəviyyat, ədalət, tərəqqi, zülmün və ədalətsizliyin rədd edilməsi və insanın yüksəlişi üçün qlobal həmrəylik üzərində qurulmalıdır.

Ölkə Elmi Hövzələrinin rektoru vurğuladı: İslam İnqilabı elə düşüncəyə malikdir ki, harada təqdim olunursa, tərəfdarı olur.
İnqilabın məntiqi və ideyası tam normaldır. Çünki bu ideya dünyada çoxsaylı tərəfdar tapır.

Ən çox isə Ali və əzəmətli Rəhbərimizə təşəkkür etməliyik və bu nemətə görə Allaha şükr etməliyik. Həmçinin Ali Rəhbərimizin hikmətli, məntiqli, qətiyyətli və  meydanda hazır olan rəhbərliyinə hörmət və sayğı ilə yenidən beyətimizi bildiririk.

Ağıllı müdafiə mövqeyi

Ayətullah Ərafi İslam İnqilabının müdafiə mövqeyini vurğulayaraq dedi: Təcrübədə İslam İnqilabı heç vaxt ağır hücum və hücumları ilk başlayan olmamışdır. Lakin o, həmişə əsəblərini tamamilə idarə edən və arxayın olan bir özünmüdafiə yolunu tutmuş və Allahın lütfü ilə həmişə belə olacaqdır.

İnqilabi ikilik: Hökmranlığın inkarı və sivilizasiya quruculuğu

Ölkə Elmi Hövzələrinin Ali Şurasının üzvü dedi ki, İslam İnqilabı həm qlobal hakimiyyət sisteminə qarşı çıxışdır, həm də yeni sivilizasiyanın nümunəsidir. Bu inqilab düşüncə sahəsində qabaqcıl və uzaqgörəndir. Bununla yanaşı əməli sahədə isə güclü müdafiəçidir. 

Hövzənin inqilabi ideologiyada tarixi rolu

O qeyd etdi: Hövzə fəxr edir ki, xalqın xidmətçisidir, həmişə xalqın yanında olub, dünyaya yeni baxış təqdim edib.
Bu inqilabi məntiq İslam İnqilabı imamlarının təlimlərindən qaynaqlanır.
Biz hamımız İran İslam Respublikasının müstəqilliyi, azadlığı, böyüklüyü və şöhrəti üçün bir sırada dayanmışıq.
Elmi Hövzə  bütün tarixi mərhələlərdə İranın tərəqqisi üçün fəallığını göstərmişdir.
Bu məntiq universitetlərdə, məktəblərdə və xüsusilə qanlı Aşura bayraqları ilə başlayan Ərbəinədək davam edən Məhərrəm ayının mərasimləri gücləndirilməli və möhkəmləndirilməlidir.

Elmi Hövzələrin və ruhanilərin İnqilabi düşüncənin formalaşmasında vəzifəsi 

Ayətullah Ərafi hövzə və dini müvəzzinlərin vəzifəsini belə müəyyən etdi: Bu düşüncə davamlı olaraq təkrar olunmalı və vurğulanmalıdır.
Ruhanilər, cümə imamları, dini məclislər və mədəni qurumlar məsuliyyət daşıyırlar ki, bu yüksək məntiqi genişləndirsinlər  və gənc nəsli ona tanış etsinlər.

İslam İnqilabının 4 tarixi mərhələsi

O İslam İnqilabını üç əsas mərhələyə bölüb:

1. 1943-cü ilin Xordad üsyanı  İmam Xomeyninin rəhbərliyi ilə İslam hərəkatının başlanğıcı, cəmiyyətdə oyandırıcı atəşlər.

2. 1979-cu ilin Bəhmən ayındakı İnqilabın qələbəsi  İslami sistemin qurulması və hərəkatın ideallarının hakimiyyətə çevrilməsi.

3. Müqəddəs Müdafiə  səkkiz il davam edən qəhrəmanlıq dövrü, İnqilabın qlobal zülmə qarşı möhkəmləndirilməsi.

Bu gün gənclər bu mərhələləri yaxşı bilməli və şəhidlərdən ilham alaraq İnqilabın dördüncü mərhələsi  yeni İslam sivilizasının qurulması istiqamətində addımlar atmalıdırlar.

Müqəddəs Müdafiə  Beynəlxalq Sistem üçün bənzərsiz bir hadisə

Ölkə Elmi Hövzələrinin rektoru Ayətullah Ərafi, Müqəddəs Müdafiəni tamamilə bərabər olmayan bir müharibə kimi təsvir edərək dedi: Bu müharibədə onlarla ölkə ən qabaqcıl silahlarla Bəsi Səddam və onun muzdlu rejimini dəstəklədi ki, İranı parçalasın, sistemi yıxsın və İslam İnqilabını məhv etsin.
Amma 200 min şəhidin, o cümlədən təqribən 5 min ruhaninin qanı sayəsində İranın gücü dünyada təsbit edildi. İran torpaqlarına göz dikmək əbədiyyən unuduldu və heç bir ölkə düşmənlərin alətinə çevrilməyə cürət etmədi.

Təslim olmaq? Heç vaxt!
Onlar boş-boş danışırlar ki, biz təslim olmalıyıq. İslam İnqilabı, ruhaniyyət, Bəsic, cəsur gənclər və azad İran xalqı heç vaxt təslim olmayacaq.
Bu ölkənin üzərinə “Heyhat minnəz-zillə” (Zillət bizdən uzaqdır) ruhu doğmuşdur.

İnqilabın dördüncü mərhələsi  1404-cü il böyük dirçəlişi

Ayətullah Ərafi son hadisələri İslam İnqilabının tarixi dönüş nöqtəsi adlandıraraq dedi: İsrail və Amerika kimi mənfur düşmənlərin bu 12 gündəki axmaqlığı inqilabın əvvəlki bütün mərhələlərindən üstün yeni bir mərhələni yaratdı.
Bu möhtəşəm dirçəliş yenidən sistemin qüdrətini və xalqın ayıqlığını dünyaya sübut etdi.
Bu mübarizədə bütün maskalar açıldı. ABŞ birbaşa meydana çıxdı, İsrail isə imperialistlərin hərbi bazası olaraq tam şəkildə ifşa olundu.

İranın qüdrəti dünyanın gözü qabağında 

Əlavə etdi: Bəli, böyük generallarımzı itirdik, ölkəyə ziyanlar dəydi. Amma ilk dəfə sübut olundu ki, mənəvi və ilahi təməlli bir güc, bütün beynəlxalq zülm sisteminə qarşı təkbaşına dayana bilər.
Müqəddəs Müdafiə dövründə əldə olunan bu güc bu gün zirvəyə çatıb və bölgədəki güc balansını dəyişə bilər.
Ümid edirik ki, qorxaq və ya anlamaz region ölkələri bundan dərs alacaq.

Zəiflərin qəlbinə sevincli müjdə  “Heyhat minnəz-zillə”nin nuru

Ayətullah Ərafi dedi: Bu gün dünya müsəlmanlarının, məzlumların və İslam ümmətinin qəlbi İran xalqının cəsarəti, dirənişi və dözümlülüyü ilə sevinir.
Bizə deyirlər təslim olun. Amma  heç vaxt bu xalq təslim olmayacaqdır. Çünki bu xalq “Heyhət minnəz-zillə” (zillət bizdən uzaqdır) ruhuna bürünüb.
Bu gün zəfərin yeni günəşi doğub. Bu nur şəhidlərə, onların ailələrinə və bütün böyüklərimizə mübarək olsun.

Aşura insan yetişdirən bir məktəbdir.

O, Aşuranı “ilahi sirlərin xəzinəsi və həyat dərslərinin xəzinəsi” adlandıraraq dedi: Kərbəla hadisəsində fərdi, ictimai və qlobal həyat üçün onlarla dərs vardır ki, bunlar çıxarılmalı və açıqlanmalıdır.
Ruhanilər və təbliğatçılar məscidlərdə, heyətlərdə və Bəsic vasitəsilə bu dərsləri gənclərə, fəhlələrə və tələbələrə doğru dillə və sağlam məntiqlə təqdim etməlidirlər.

Elmi Hövzə fəxr edir ki, xalqın xidmətində olub və dünyaya yeni bir baxış təqdim edib.
Bu inqilabi məntiq, İmam Xomeyni və Ayətullah Xamenei kimi İmamların təlimlərindən qaynaqlanır.

Milli qüdrətin və əzəmətin mənbəyi

Ayətullah Ərafi vurğuladı: Aşura hadisəsinin  daxili anlamı xalqımıza güc, əzəmət və sabitlik bəxş edir.
Bu hadisənin müxtəlif qatlarını araşdırmaq və onları düzgün şəkildə təqdim etmək Məhərrəm və Səfər aylarında bizim əsas vəzifəmizdir.
Ümid edirik ki, yeni mədəni təşəbbüslərlə bu inqilabi təbliğat davam edəcək və İslam İnqilabının həqiqi məntiqi sabitləşəcək.

Hövzə tələbələrinə tövsiyə 

Elmi Hövzələrin rektoru tələbələrə və ruhaniyyətə müraciətlə dedi: Biz elmi, düşüncə və ideyalarımızı zamanla uyğunlaşdıraraq dərinləşdirməliyik və bu elmi sərvətləri, yüksək dəyərləri xalqın, xüsusilə də gənclərimizin xidmətinə verməliyik.
Bizim vəzifəmiz, xalqa din, əxlaq, mənəviyyat, cəsarət, fədakarlıq və həmrəyliyini təqdim etməklə xidmət göstərməkdir.

Təvazökarlıq və xalqla birlik  ruhaniyyətin əsas vəzifələrindən biridir.

Xəbərin sonu