Hövze Xəbər Agentliyinin müxbirinin məlumatına görə, AI şirkətinin baş direktoru Talıb Dehqani süni intellektin insan həyatındakı roluna dair keçirilən "Süni intellektlə istehsalda sənətkar yanaşma” mövzusunda ixtisaslaşdırılmış görüşün kənarında bildirib: Süni intellekt insan həyatının ayrılmaz və zəruri tərkib hissəsinə çevriləcək. Elə bu gün internetdə olduğu kimi, həyatımızı ondan ayrı təsəvvür etmək mümkün olmayacaq.

Talıb Dehqani, həmçinin, AI şirkətinin rəhbəri və tələbsi olaraq bildirib: Süni intellekt tərəfindən yaradılmış Qurani əsərlərinin ilk sərgisinin açılışı çox xoşbəxt bir hadisədir və biz buna yüksək qiymət verməliyik.

O əlavə edib: Mənim də bir əsərim bu sərgidə nümayiş olunur. Sərginin eyni zamanda ixtisaslaşdırılmış görüşlə birləşməsi çox önəmli bir hadisədir, çünki bu, geniş ictimaiyyətin süni intellektin imkanları ilə tanış olmasına şərait yaradır.

Dehqani süni intellektin dini təbliğatda tətbiqinin zəruriliyini belə izah edib: Əvvəllər düşmən yalnız media vasitəsilə, indi isə media və süni intellektin birləşməsi ilə cəmiyyətin zehnini idarə edir. Biz də eyni imkanlardan dini mesajların çatdırılması üçün istifadə etməliyik.

O nümunə gətirərək əlavə edib: Məsələn, hazırda təhsil sahəsində fərdiləşdirmə mövzusu aktuallaşıb. Süni intellekt vasitəsilə insanların şəxsiyyətlərini analiz edərək təhsil prosesini onların xüsusiyyətlərinə uyğun təşkil edə bilərik.