Hövzə xəbər agentliyinin Məşhəddən verdiyi məlumata görə, Höccətul-İslam vəl-Muslimin Əli Xəyyat bir bəyanatında terrorçu Amerika və qəsbkar sionist rejiminin Yəmən və Qəzzadakı məzlum insanlara qarşı törətdiyi cinayətləri pisləyib. O, dünyanın azadlıqsevər dövlətlərini və millətlərini bu faciələrə qarşı reaksiya verməyə və məzlumları bu təkəbbürlü rejimlərin əlindən xilas etmək üçün ciddi addımlar atmağa çağırıb.

Xorasan Hövzəsinin rəhbərinin bəyanat mətni belədir;

بسم الله الرحمن الرحیم «أَوَ کُلَّمَا عَاهَدُوا عَهْدًا نَبَذَهُ فَرِیقٌ مِّنْهُم...» (بقره/۱۰۰)

Bismillahir-Rəhmanir-Rəhim “Yoxsa hər dəfə bir əhd bağladıqlarında, onlardan bir dəstə onu pozur?” (Bəqərə surəsi, 100-ci ayə)

Qəsbkar sionizmin əhd pozma və vəfasızlıq tarixi, bu inadkar tayfanın və onların canavar xislətli havadarlarının xəbis və qaniçən ruhunu açıq şəkildə nümayiş etdirir. Dəfələrlə əldə edilən təcrübə göstərir ki, bu qəddar tayfanın soyqırımı çıxmazından xilas olmağın yeganə yolu müqavimət göstərmək və güclənməkdir. Bu, böyük müqavimət şəhidlərinin – Sərdar Süleymaninin, Seyid Həsən Nəsrullahın və Yəhya Sənvar kimi liderlərin daim vurğuladığı bir yoldur.

Böyük Şeytan – dünyanı talan edən Amerika Yəmənin müqavimət göstərən xalqına qarşı vəhşilik törədərkən, qəsbkar sionist rejimin cinayətkar əlləri bir daha Qəzzanın məzlum insanlarının qanına bulandı. Atəşkəsdən sonra beynəlxalq qanunları və normaları tapdalayaraq, bu rejim Qəzzanın müdafiəsiz xalqına qarşı amansız hücumlarını yenidən başladı. Nəticədə yüzlərlə günahsız qadın, uşaq və kişi qətlə yetirildi. Bu qətliamlarla sionist rejim, terror, zorakılıq və işğal üzərində qurulmuş əsl simasını bir daha dünyaya nümayiş etdirdi.

Xorasan Hövzəsi, Qəzzanın məzlum xalqına və Yəmənin müqavimət göstərən insanlarına qarşı törədilən insanlıq əleyhinə cinayətləri kəskin şəkildə pisləyir. Beynəlxalq qurumların və yalançı insan haqları müdafiəçilərinin bu dəhşətli cinayətlər və faciələr qarşısında susqunluğunu utancverici və rüsvayçı hesab edir.

Dövlətlərdən ümidini kəsən , dünyanın azadlıqsevər xalqlarını bu susqunluğu qırmaq üçün qəzəblərini fəryad etməyə çağırır. Həmçinin, bütün dövlətlərdən, təşkilatlardan və beynəlxalq ədalət tərəfdarı qurumlardan tələb edir ki, qəti və əməli mövqe nümayiş etdirərək sionist qatil rejimi, terrorçu Amerika və onların havadarlarına təzyiq göstərsinlər. Bu rejimlərin hücumlarını dərhal dayandırmaq və Qəzza ilə Yəmənin məzlum xalqını müdafiə etmək üçün ciddi tədbirlər görsünlər.

Əli Xəyyat 28 İsfənd 1403 ( 18 mart 2025)

Mətnin sonu