Hövzə Xəbər Agentliyinin İsfahandan verdiyi məlumata görə, Ayətullah Seyid Yusif Təbətəbai Nəjad bu gün səhər Ramazan ayına dair "Nəsim Hikmət" əxlaq dərsləri çərçivəsində, İslamda namazın böyüklüyü və dəyəri haqqında danışarkən dedi:

"İslam peyğəmbəri (s.ə.s) buyurur: " لِکُلِّ شَیءٍ وَجهٌ، و وَجهُ دِینِکُمُ الصَّلاةُ"
Hər şeyin bir əsası var və dininizin əsası namazdır." Yəni, dinin rəsmi namazdır. Əgər bir insan namaz qılmasa, hətta şahadət gətirsə belə, o, görünüşdə müsəlmandır, amma dinin əsası onda yoxdur.

İsfahanın  imam cüməsi əlavə etdi:

Namazın böyüklüyü barədə Peyğəmbərimiz (s.) belə buyurur: " إنَّ اللّه َتَعالی جَعَلَ قُرَّةَ عَینی فِی الصَّلاةِ "
"Həqiqətən, Allah Təala namazı gözümün işığı etdi və onu mənə çox sevdirdi."

O əlavə etdi: Necə ki, susuz bir insan suyu, ac bir insan isə yeməyi sevər, İslam Peyğəmbəri də eyni şəkildə namazı sevirdi. Yeganə fərq ondadır ki, susuz insan su içdikdə susuzluğu aradan qaldırar, ya da ac insan yemək yedikdə aclığını doyurar, amma Peyğəmbərimiz (s) namazdan heç vaxt doymurdular.

İsfahanın Vəliyyi-Fəqih nümayəndəsi, Peyğəmbərimizin (s) namazın dəyəri və əhəmiyyətindən xəbərdar olduğunu qeyd edərək dedi: Peyğəmbərimiz (s) yaxşı bilirdi ki, Allah ilə danışmaq nə qədər gözəldir və insan, böyük biri ilə danışarkən, bu danışığı davam etdirmək istəyər.

O, sözlərinə davam edərək qeyd etdi: " فَرَضَ اللّه ُ الصَّلاةَ تَنزِیها مِنَ الکِبرِ "
Həzrət Zəhra (s.ə) buyurur: 'Allah namazı təkəbbürdən uzaq olmaq üçün fərz etmişdir.' Yəni, namaz əhli olan insanın xüsusiyyətlərindən biri də təkəbbürlü olmamalarıdır.

Ayətullah Təbətəbai Nejad, namazın ibadətlər arasında ən mühüm ibadət olduğunu vurğuladı və dedi: Ən mühüm iş, Peyğəmbərimiz (s) və Əhli-Beyt (ə) tərəfindən edilən ibadət namaz idi. Allah İslam Peyğəmbərinə (s.ə.s) belə buyurur:  " قُمِ اللَّیْلَ إِلَّا قَلِیلً" ، " نِصْفَهُ أَوِ انْقُصْ مِنْهُ قَلِیلًا "،" أَوْ زِدْ عَلَیْهِ وَرَتِّلِ الْقُرْآنَ تَرْتِیلًا ".
 'Gecə namazı qıl, az da olsa, yarısını, ya da ondan azını, ya da daha çoxunu qıl və Quranı düzgün oxu.'

O əlavə etdi: Mübarək Ramazan ayında hər bir vacib və müstəhəb namazın savabı digər aylardan daha çoxdur və Ramazan ayında insanın yalnız vacib və müstəhəb namazlarını deyil, min rəkət namaz qılması müstəhəbdir. Bu ay namazın baharıdır.

İslam İnqilabının rəhbərliy nümayəndəsi Ayətullah Təbətəbai Nejad qeyd etdi: Ramazan ayında diqqət edilməli olan ibadətlərdən biri də gecə namazıdır və bu, mühüm ibadətlərdən hesab olunur. Hətta bir hədisdə deyilir ki, kişi gecə namazı üçün həyat yoldaşını oyandırmalıdır, əgər kişi yuxuya gedərsə, qadın da öz ərini gecə namazı üçün oyandırmalı və gecə namazından qafil olmamalıdırlar.

Xəbərin sonu.