İranın siyasi sistemi vilayəti-fəqih institutunun möhkəm təməli üzərində qurulmuşdur. Bu sistem yalnız bir idarəetmə modeli deyil, həm də xalqla rəhbər arasında mənəvi və etiqadi bağlılığın təcəssümüdür. Bu məqam adi inzibati quruluşdan daha yüksək məna daşıyır və ölkənin ağır siyasi fırtınalar, eləcə də xarici təhdidlər qarşısında sabitliyinin əsas dayağı hesab olunur.
Xalqın bu vilayət mərkəzli rəhbərliyə bağlılığı və qəti iradəsi elə bir gerçəklikdir ki, indiyədək heç bir təzyiq, sanksiya və ya düşmən planı onu sarsıda bilməmişdir. Çünki bu həmrəylik İran xalqının dini etiqadlarından qaynaqlanır, onların ruhu və milli kimliyi ilə vəhdət təşkil edir, ölkənin müstəqilliyini və izzətini qorumaq istiqamətində milli iradəni daim yenidən gücləndirir.
Bu şüurlu itaət və möhkəm etiqad cəmiyyətdə yaşadıqca, İranda, eləcə də dünyanın bütün məzlumları və məhrumları arasında ədalətin və azadlığın bərqərar olacağına ümid də yaşayacaqdır. Məhz bu dayanıqlıq hegemonluq cəbhəsinin və bəşəriyyət düşmənlərinin hədsiz iddiaları qarşısında keçilməz bir sədd yaratmışdır.
Müqavimət məntiqinə görə, məhz bu iman və ümumi ümid düşmənlərin gözünə batan tikan kimi onların hesablarını ardıcıl şəkildə puça çıxarır, azad xalqları diz çökdürmək planlarını iflasa uğradır. Bu həqiqət İranı dünyanın hər yerində haqq və ədalət uğrunda mübarizə aparan hərəkatlar üçün ilham mənbəyinə çevirmişdir.
Rəyiniz