Hövzə Xəbər Agentliyinin məlumatına görə, Ayətullah Şəhid Məhəmməd Baqir Sədrin (r) şəhadətinin 46-cı ildönümü münasibətilə Pakistanın İslamabad şəhərində yerləşən Milli İncəsənət Şurasının salonunda “Şəhid Sədrin Əsərlərinin Nəşri İdarəsi”nin təşəbbüsü ilə möhtəşəm bir seminar keçirildi.

Bu mərasimdə Pakistan Şiə Alimləri Şurasının sədr müavini Höccətül-İslam vəl-müslimin Arif Hüseyn Vahidi çıxış edərək Şəhid Sədrin elmi, fiqhi və mübarizə yönümlü şəxsiyyətinin müxtəlif cəhətlərini izah etdi.

O, dahi alimin uca elmi məqamına toxunaraq Şəhid Sədri “Fiqh və İctihad Səhnəsinin Parlaq Ulduzu” kimi adlandırdı və bildirdi: Şəhid Sədr təkcə düşüncə və maarif sahəsində seçilən bir şəxsiyyət deyildi, o, həm də zülm və imperializmə qarşı mübarizənin öncülərindən biri sayılırdı.

Pakistan Şiə Alimləri Şurasının sədr müavini həmçinin İslam dünyasında dini mərcəiyyətin təsirli roluna toxunaraq, məzhəblər arasında yaxınlaşma və İslam ümmətinin birliyinin möhkəmləndirilməsi yolunda Höccətül-İslam vəl-müslimin Seyyid Sacid Əli Nəqəvinin səylərini yüksək qiymətləndirdi və ona təşəkkür etdi.

Bu mərasim, Şəhid Sədrin düşüncə məktəbinə bağlı olan bir qrup alim, mütəfəkkir və maraqlanan şəxslərin iştirakı ilə keçirildi və bu görkəmli dini şəxsiyyətin xatirəsi böyük ehtiramla yad edildi.