Təbliğatçı, psixoloq və tədqiqatçı Höccətül-İslam Məhəmməd Hüseyn Haqşenas Adərmənabadi İsfahanda Hövzə Xəbər Agentliyinin jurnalistinə verdiyi müsahibədə Qum Elmi Hövzəsinin yenidən təsisinin yüzilliyi münasibətilə keçirilən beynəlxalq konfransda Ali Rəhbərin bəzi tövsiyələrini izah edərək gənc nəsilə münasibətdə düzgün qarşılıqlı əlaqənin əhəmiyyətini vurğulayıb.

O, Ali Rəhbərin gənclərə nikbin yanaşma və qeyri-realist təhlillərdən çəkinmək barədəki vurğusuna işarə edərək belə dedi: Bu gün gənclərin mühüm bir qismi bütün dağıdıcı təlqinlərə baxmayaraq, hələ də dinə və dini dəyərlərə sadiqdirlər və onların müdafiəsindədirlər. Bir çoxu isə dinə və inqilaba qarşı heç bir düşmənçilik mövqeyi daşımırlar.

Dini təbliğatçı, yalnız çox az sayda zahiri dini dəyərlərdən üz döndərə biləcəyinə işarə edərək əlavə etdi: Bu azlıq, gənc nəsil haqqında qeyri-realist təhlillərə səbəb olmamalıdır. Elmi hövzələr bu gerçəkliyi düzgün anlayaraq, gənclərlə məqsəd yönlü təsirli və qarşılıqlı əlaqə qurmaq üçün proqramlaşdırma aparmalıdırlar.

Höccətül-İslam Haqşenas gənc nəsillə münasibətdə düzgün və qarşılıqlı əlaqənin əhəmiyyətinin altı aspektdə araşdırıla biləcəyini qeyd edərək vurğuladı: Birinci aspekt şəxsiyyət və dəyərlərin formalaşmasıdır. Yeniyetməlik dövrü şəxsiyyət və inancların formalaşması baxımından həyati əhəmiyyət daşıyır. Şüurlu və qayğıkeş böyüklərlə qurulan səmərəli ünsiyyət gənclərə özlərini və ətraf aləmi düzgün şəkildə tanımağa kömək edir.

O, sözünün davamında ikinci aspekt yəni ictimai və emosional inkişafa toxunaraq dedi: Sağlam sosial ünsiyyət gənclərə ünsiyyət bacarıqları, problem həlli və emosiyaların idarə olunması kimi qabiliyyətləri öyrədir və onların emosional inkişafında təsirli olur.

Elmi hövzə təbliğatçısı və psixoloq, gənclərlə qarşılıqlı əlaqənin üçüncü aspektini bilik və təcrübənin ötürülməsi kimi dəyərləndirərək qeyd etdi: Gənc nəsil əvvəlki nəsillərin bilik və təcrübəsindən faydalanmağa ehtiyac duyur. Nəsillər arası ünsiyyət bu imkanı yaradır ki, gənclər keçmişin səhvlərindən dərs alsınlar və əvvəlki uğurlardan bəhrələnsinlər.

O, dördüncü aspektin motivasiya yaratmaq olduğunu bildirərək əlavə etdi: Böyüklərin gənclərə dəstək göstərməsi və onları təşviq etməsi onların motivasiyasını artırır və həyatdakı çətinliklərlə mübarizədə onlara kömək edir.

Höccətül-İslam Haqşenas beşinci aspektin cəmiyyətin inkişafı olduğunu qeyd edərək izah etdi: Gənclər ölkənin inkişafının əsas qüvvəsidir və onlara sərmayə qoyuluşu, yaradıcı, yenilikçi və məsuliyyətli bir qüvvənin formalaşmasına zəmin yaradır.

O, altıncı aspektin sosial zərərlərin qarşısını almaq olduğunu qeyd edərək vurğuladı: Gənclərin ehtiyaclarına laqeyd yanaşmaq və onların tələblərinə cavab verməmək  sosial zərərlərə məsələn, təcrid olunmağa, ümidsizliyə və riskli davranışlara meyil etməyə səbəb ola bilər.

Elmi hövzə tədqiqatçısı və psixoloq gənc nəsilə xüsusi diqqət yetirilməsinin vacibliyini vurğulayaraq əlavə etdi: Aydın və davamlı bir gələcək formalaşdırmaq üçün elmi hövzələr geniş və səmərəli proqramlar vasitəsilə gənc nəsillə səmərəli və konstruktiv qarşılıqlı əlaqə imkanlarını təmin etməlidir. 

Xəbərin sonu.