Hövzə Xəbər Agentliyinin məlumatına görə, mərhum Ayətullah Misbah Yəzdi öz çıxışlarından birində “Amerikanın təcavüzkarlıq” mövzusuna toxunmuşdur ki, bu çıxış möhtərəm ziyalılar üçün təqdim olunur.

Dövlətlərdə güc, əsas və son sözü deyir. Bu səbəbdən bəzi ölkələr öz varlıqlarını birbaşa müharibəyə borclu bilirlər. Bu gün də Amerika kimi dövlətlər, insan haqları barədə yaratdıqları gurultulu kampaniyalara baxmayaraq, həyatlarını müharibəyə bağlı şəkildə davam etdirirlər. Elə buna görə də dünyanın əksər müharibələrində Amerikanın izinə rast gəlmək mümkündür.

Bu həqiqəti ölkəmizdə ilk dəfə dərindən dərk edən və ABŞ-ı “Böyük Şeytan” adlandıran şəxs İmam Xomeyni (r) olmuşdur. Bu ifadə, hətta onun bəzi yaxın dostları üçün də təəccüb doğurmuşdu.

O zaman Sovet İttifaqı quruluşunun özü də Tanrını inkar edən və ateizmi yayan bir quruluş idi. Həmin dövrdə isə Amerika zahiri görünüş baxımından dindar kimi görsənirdi. Bütün bunlara baxmayaraq, İmam Xomeyni (r) Sovet İttifaqı dövründə belə ABŞ-ı “Böyük Şeytan” adlandırırdı.

Bu gün artıq hər kəs üçün aydındır ki, Amerika dünya üzərində hökmranlıq etmək məqsədi güdür. “İnsan hüquqlarının müdafiəsi” adı altında irəli sürülən plan isə əslində sadə insanları aldatmaqdan başqa bir məqsəd daşımır.

ABŞ-ın digər ölkələrlə göstərdiyi ikili standartlar və qeyri-adekvat davranışlar da onların insan hüquqları barədə heç bir həqiqi narahatlıq daşımadığını aydın şəkildə sübut edir.

23. 01. 2014