Hövzə Xəbər Agentliyinin verdiyi məlumata əsasən, mərhum əllamə Misbah Yəzdi öz əxlaq dərslərinin birində “Əbədi həyat və axirətin həqiqətindən xəbərsiz yaşamaq” mövzusuna toxunmuşdur. Bu dərs siz dəyərli oxuculara təqdim olunur.

Əbədi həyat — heç vaxt bitməyən, sonsuz nemətlərlə dolu bir həyatdır; heç qurumayan bir ağac, heç qocalmayan bir həyat yoldaşı kimi.

İnsanların əksəriyyəti əvvəlcə bu cür bir şeyin mövcud ola biləcəyinə heç diqqət yetirmir; ağlına belə gəlmir. Məsələni qısaca belə izah etmək olar: Alimlər və peyğəmbərlər gəlir, bunu açıqlayır, dəlillər gətirir və göstərirlər ki, onların söylədikləri doğrudur, yalan deyil.

İndi Quranda yazılan hər şeyin doğru olduğunu qəbul etdik. Bir neçə ayə Cəhənnəm əzabı haqqında da qeyd olunur, amma praktiki olaraq nə baş verir?

Biz heç düşünürükmü ki, dünyaya görə itirdiyimiz bu fürsətlərin qarşılığında nə əldə edirik?

Həqiqətən də avam insanların, heç diqqət etmədən etdikləri işlər bizim işimizdən daha qəbulediləndir. Çünki bunu bilmədiklərinə görə daha asan başa düşülür və haqq qazandırılır.

Amma mən ki, bunu bilmişəm, Quranı dəfələrlə oxumuşam, illərlə Quran təfsiri etmişəm, bir neçə kitab və məqalə yazmışam, praktikada elə davranıram ki, sanki o hekayədəki uşaqlar kimiyəm eşitməmiş və inanmamışam.

Bir ömür ki, onun yalnız bir saatını əbədi və sonsuz savabla dəyişə bilərdim; min dəfə, iki min dəfə deyil, yalnız bir saatını əbədi, sonsuz və heç vaxt bitməyəcək bir mükafatla təmin edə bilərdim.

Bunu verdim, qarşılığında nə aldım?

Bu ləzzətli yemək? Bir neçə dəqiqəlik cinsi zövqlər? Bütün bunlar uşaq işinə bənzəmirmi?

Mən deyirəm ki, bənzəyir, hətta ondan da pisdir. Bir və iki min arasında nisbət var; bir iki minlikdir. Amma dünyanın zövqü ilə axirətin sonsuz zövqü arasında hansı nisbət var? Bir neçə milyon? Bir neçə milyard? Heç bir nisbət yoxdur.

«قُلْ هَلْ نُنَبِّئُکُم بِالْأَخْسَرِینَ أَعْمَالًا» 
“De: Sizə ən çox ziyan edən əməl sahiblərini xəbər verək?” 
Təəccüblüdür!
 «الَّذِینَ ضَلَّ سَعْیُهُمْ فِی الْحَیَاةِ الدُّنْیَا وَهُمْ یَحْسَبُونَ أَنَّهُمْ یُحْسِنُونَ صُنْعًا.»
 “Onların əməyi dünya həyatında boşa çıxmışdır, halbuki özləri yaxşı iş gördüklərini düşünürlər.”

Biz özümüzü peyğəmbərlər kimi düşünürük, amma qəlbimizin dərinliyində kafirlərdən heç bir fərq yoxdur. Onlar dünyanı sevirlər və axirətin faydalarından dünya üçün keçirlər; biz də eyni şeyi edirik. Görmürükmü bunu?

İnşallah aranızda belə olan kimsə yoxdur, amma çox vaxt biz əbədi axirəti bir anlıq ləzzətə qurban veririk; bəzən bir xəyala görə, bəzən bir əl öpmək üçün, bəzən də “əllamə ” və ya “ayətullah” adını qazanmaq üçün.

Quranda çox təsirli bir ifadə ilə bildirilir ki, insan iki növdür; üçüncü bir növü də var, amma onu qeyd etmirəm;
«مَن کَانَ یُرِیدُ الْعَاجِلَةَ عَجَّلْنَا لَهُ فِیهَا مَا نَشَاءُ لِمَن نُّرِیدُ ثُمَّ جَعَلْنَا لَهُ جَهَنَّمَ یَصْلَاهَا مَذْمُومًا مَّدْحُورًا».
Kim dünya nemətlərini tez əldə etmək istəyirsə, Biz onun üçün istədiyimizi dünya həyatında tezliklə veririk; sonra isə onun üçün Cəhənnəmi hazırlayırıq. O, orada lənətlənmiş və rədd edilmiş halda yanacaq.

Bir qrup varki, «وَمَنْ أَرَادَ الْآخِرَةَ وَسَعَیٰ لَهَا سَعْیَهَا وَهُوَ مُؤْمِنٌ فَأُولَٰئِکَ کَانَ سَعْیُهُم مَّشْکُورًا».
«Kim axirəti istəyir və onun üçün çalışır, həm də mömin olaraq çalışırsa, işləri mükafatlandırılmış sayılır və onların səyi təqdir olunur.»

Mən öz qəlbimin hakimi olmalıyam və bilmək lazımdır ki, mən bu tərəfdənəm, yoxsa o tərəfdən.

Səhər oyandıqda, ağlıma gəlir ki,
«یُرِیدُ الْحَیَاةَ الدُّنْیَا وَزِینَتَهَا»
«O, dünya həyatını və onun bəzəklərini istəyir.»

Mən axirət yolçusuyam, yoxsa deyiləm? Əslində ağlım belə düşünür: Mən axirətin əhliyəm? Mən kiməm? Mənim vəzifəm nədir?

Mömin və kafir dünya təbiətində heç bir fərq görmürlər.
«نُوَفِّی إِلَیْهِمْ أَعْمَالَهُمْ فِیهَا وَهُمْ فِیهَا لَا یُبْخَسُونَ»
«Biz onların əməlini ona tam şəkildə veririk; onlar orada olduqları halda heç bir şeydən məhrum edilmir.» Amma sonra nə baş verir?
أُولَٰئِکَ الَّذِینَ لَیْسَ لَهُمْ فِی الْآخِرَةِ إِلَّا النَّارُ وَحَبِطَ مَا صَنَعُوا فِیهَا وَبَاطِلٌ مَّا کَانُوا یَعْمَلُونَ».
«Onlar üçün axirətdə yalnız od vardır; etdikləri işlər boşa çıxmışdır və etdikləri hər şey batildir.»
Bütün səylər boşa çıxır, yalnız axirəti istəyənlər üçün səylər qiymətlidir.

Xəbərin sonu