Hövzə xəbər agentliyinin məlumatına görə, uşaqların dini tərbiyəsi parlaq və mənəvi dolğun bir gələcəyə qoyulan sərmayədir. Bu proses, uşaqların varlığının müxtəlif aspektlərini nəzərə alaraq, onların qəlbində iman və əxlaq toxumlarını cücərtmək üçün ağıllı və dəqiq bir yanaşma tələb edir.

Uşaqların dini tərbiyəsi prosesində valideynlər və tərbiyəçilərin diqqət etməli olduğu əsas məqamlar bunlardır:

1. Dini və məzhəbi təlimlərin uşaqların yaş tələblərinə və onların zehni-intellektual inkişaf səviyyəsinə uyğun olması.

2. Dini məsələlərdə uşaqların suallarını və qeyri-müəyyənliklərini izah etmək, dini vəzifələrin yerinə yetirilməsinin səbəblərini düzgün və aydın şəkildə açıqlamaq.

3. Kor-koranə təlqinlərdən çəkinmək, dini göstərişlərin yerinə yetirilməsində sırf mexaniki və passiv vərdişlər yaratmaqdan uzaq olmaq.

4. Dini tərbiyədə dolayı və qeyri-verbal metodlardan istifadə etmək, xüsusilə valideynlərin və tərbiyəçilərin nümunəvi davranışlarını düzgün şəkildə tətbiq etmələrinə diqqət yetirmək.

5. Uşaqlara dini məsələlər barədə suallar vermək və araşdırmaq üçün mühit yaratmaq, valideynlər və tərbiyəçilər tərəfindən ölçülüb-biçilmiş cavabların verilməsi.

6. Dini tərbiyəni insan varlığının bütün aspektləri – fiziki, əqli, emosional və sosial tərəfləri ilə əlaqələndirmək.

7. Dini təlimləri uşaqlara zorla təlqin etməmək və onları xarici metodlarla "dindar" yetişdirməyə çalışmaqdan çəkinmək.

8. Uşaqların təbiətə və yaradılışın sirrlərinə ağıllı və düşüncəli yanaşmasını təşviq etmək, onların yaradılış möcüzələrini müşahidə edərək kainatın Yaradıcısı və yaradılışın məqsədi barədə öz qənaətlərini formalaşdırmalarına imkan yaratmaq.

9. Dini nümunələr və örnəklər təqdim edərkən, uşaqların yaşına, zehni, emosional və əqli səviyyələrinə uyğun seçimlər etmək.

10. Valideynlər, məktəb rəhbərliyi və media proqramlarının tərtibatçıları arasında dini tərbiyə metodlarında uyarlıq və uyğunluq yaratmaq.

Qeyd etmək lazımdır ki, verilən tövsiyələr və öyüdlərlə tərbiyəçilərin real davranışları arasında hər hansı bir uyğunsuzluq, uşaqların düzgün dini və məzhəbi tərbiyəsinin həyata keçirilməsinə mane ola bilər.

Mənbə: Valideynlər və dini tərbiyə, səh. 43