Hövzə Xəbər Agentliyinin Tərcümə Qrupunun məlumatına görə, Pakistan İslam Cəmiyyətinin lideri Hafiz Nəim-əl-Rəhman İran Prezidentinə və digər İslam ölkələrinin başçılarına ünvanladığı məktubda müsəlman dövlətlərinin məzlum Fələstin xalqının müdafiəsində birlik və həmrəy olmasının vacibliyini vurğulayıb. O, sionist rejimin cinayətlərinin dayandırılması və Qəzzə xalqına effektiv dəstək göstərilməsi üçün qəti və ortaq mövqelərin qəbul olunmasının zəruriliyini bildirib.

20 Aprelin 'Qəzzə ilə Həmrəylik Günü' kimi adlandırılması təklifi

Bu məktubda Hafiz Nəim-əl-Rəhman 20 Aprelin “Qəzzə ilə Həmrəylik Günü” kimi adlandırılmasını təklif edib. O, İslam ölkələrindən xahiş edib ki, bu münasibətlə tədbir və fəaliyyətlər təşkil etməklə Fələstin xalqına dəstəklərini geniş və rəsmi şəkildə ifadə etsinlər və İslam ümmətinin səsini bütün dünyaya çatdırsınlar.

Qəzzədə humanitar fəlakət – böhran sərhədlərini aşan faciə

İslam Cəmiyyətinin lideri Qəzzə zolağında hökm sürən dəhşətli humanitar vəziyyətə toxunaraq yazıb: Qəzzədəki humanitar fəlakət bütün böhran sərhədlərini keçmişdir və hər bir vicdanlı insanın qəlbini yaralayır. O, mülki əhalinin, xəstəxanaların, məktəblərin və sığınacaqların qəsdən hədəf alınmasına diqqət çəkərək, hazırkı vəziyyəti insanlığa qarşı açıq cinayət kimi qiymətləndirib.

Qəzzə – bəşəriyyətin tarixindəki faciələrin təkrarı

Hafiz Nəim-əl-Rəhman Qəzzədəki böhranı Holokost, Bosniya soyqırımı və Kosovo böhranı kimi tarixi faciələrlə müqayisə edərək bildirib: Keçmiş təcrübələr göstərmişdir ki, bu kimi böhranlar qarşısında beynəlxalq ictimaiyyətin mənəvi və insani məsuliyyəti vardır. Bu gün Qəzzə də oxşar bir fəlakətlə üz-üzədir və bu, qlobal miqyasda ciddi reaksiya tələb edir.

İslam ölkələrindən təcili və tarixi addım tələbi

Sonda, o, Pakistan xalqının Fələstin xalqına verdiyi dəstəyi vurğulayaraq İslam ölkələrinin liderlərindən xahiş edib ki, dərhal, əlaqələndirilmiş və təsirli tədbirlər görməklə sionist rejimin gündəlik qətl və cinayətlərinə son qoysunlar və bu həssas mərhələdə üzərlərinə düşən tarixi məsuliyyəti layiqincə yerinə yetirsinlər.

Mətnin sonu.