Hövzə Xəbər Agentliyinin məlumatına görə, bu günün mürəkkəb və dinamik dünyasında, uşaqların və gənclərin maliyyə təhsili vacib və həyati əhəmiyyət kəsb edir, çünki 2000-ci illərin nəsli bənzərsiz iqtisadi fürsətlər və çətinliklərlə qarşı-qarşıyadır və bunlara uyğun maliyyə bilikləri və hazırlığına ehtiyac duyur.

Hövzə Xəbər Agentliyi, ailə sahəsində mütəxəssis və alim olan Höccətül-İslam vəl-Müslimin Məhəmməd Taqiyan ilə apardığı söhbətdə, 2000-ci illərin nəsli üçün maliyyə təhsili ilə bağlı 9 əsas yanaşmanı müzakirə edib. Aşağıda bu yanaşmaların təhlili və praktiki, effektiv strategiyalar təqdim ediləcək və hörmətli oxucularımıza təqdim ediləcək.

Hövzə Xəbər Agentliyinə verdiyiniz fürsətə görə sizə təşəkkür edirik, xahiş edirik, 2000-ciı illərin uşaqlarına və gənclərinə maliyyə idarəçiliyini düzgün öyrətmək üçün ən yaxşı metod nədir?

Uşaqların və gənclərin maliyyə təhsili çox vacib və təsirlidir, çünki bu nəsil əvvəlki nəsillərə nisbətən tamamilə fərqli iqtisadi çətinliklərlə və fürsətlərlə üzləşir.

Aşağıda 2000-ci illərin nəsli üçün maliyyə təhsili və cib pulu idarəçiliyinə dair ətraflı şəkildə məlumat verəcəyəm:

İlk addım maliyyə idarəçiliyinin əsas prinsiplərini öyrətməkdir, bu isə sadə maliyyə anlayışlarını izah etməkdən başlayır.

Pul anlayışı:

Uşaqlara pulun malların və xidmətlərin mübadiləsi üçün bir vasitə olduğunu izah etməliyik və 90-cı illərin uşaqları bunun həyatdakı əhəmiyyətini anlamalıdır.

Yığım anlayışı:

2000-ci illərin uşaqlarına yığımın gələcəkdə istifadə etmək üçün gəlir və ya cibdəki pulun bir hissəsinin saxlanılması olduğunu başa salmalıyıq.

Xərc anlayışı:

Uşaqlar bilməlidirlər ki, xərclər necə idarə olunur və pul xərcləyərkən öncəlikləri necə təyin etmək lazımdır?

İkinci addım: pul yığımağa həvəsləndirməkdir. 

Pil yığımı — uşaqlara kiçik yaşlardan öyrədilməli olan ən vacib maliyyə bacarıqlarından biridir.

Məsələn, maraqlı bir qəpik qabı hazırlamaq və ya onların cibinin pulu üçün uşaq bank hesabı açmaq bu istiqamətdə atıla biləcək addımlardandır.

Qısa və uzunmüddətli maliyyə hədəflərini müəyyənləşdirməklə uşaqlara konkret məqsədlərlə yığım etməyi öyrədə bilərik — məsələn, xüsusi bir əşya almaq və ya hədiyyə vermək üçün pul toplamaq.

Uşaqlardan istəyə bilərik ki, cibdəki pullarının kiçik bir hissəsini müntəzəm olaraq yığsınlar.

Üçüncü addım: xərclərin idarə edilməsini öyrətməkdir.

2000-ci illərin uşaqları xərclərini necə idarə etməyi öyrənməlidirlər.

Məsələn, onlara pullarını alış-veriş, əyləncə və yığım kimi müxtəlif sahələrə necə bölüşdürməyi öyrətmək olar.

Sonra isə, uşaqların pul xərcləməklə bağlı qərar vermələrini istəyə bilərik — məsələn, bir əşya almaqla pul yığmaq arasında seçim etmələri.

Pulun dəyərini anlamaq.

2000-ci illərin nəsli üçün tərbiyəvi çətinliklərdən biri də pulun real dəyərini anlamalarıdır.

Onlara başa salmalıyıq ki, pul əmək və zəhmət nəticəsində qazanılır və gəlir əldə etmək üçün nə qədər səy göstərmək lazım olduğunu göstərməliyik.

Həmçinin, həyatdakı bütün xərclərlə tanış olmalıdırlar və bilməlidirlər ki, gündəlik xərclər ərzaq, kommunal xidmətlər və digər müxtəlif xidmətlərə aiddir.

Dördüncü addım: iqtisadi motivasiyanın yaradılmasıdır.

Uşaqları çalışmağa və gəlir qazanmağa təşviq etmək onlarda maliyyə məsuliyyəti hissini gücləndirə bilər.

Məsələn, ev işlərinə kömək etmək və ya dərslərinə daha çox diqqət yetirmək kimi konkret vəzifələri yerinə yetirdikləri üçün onlara maliyyə mükafatı vermək olar.

Həmçinin, yeniyetmələrə sadə işlərlə — kiçik məhsullar satmaq və ya yaradıcı fəaliyyətlər göstərməklə gəlir əldə etməyə imkan vermək lazımdır.

Beşinci addım: pulun ağıllı idarə olunmasını öyrətməkdir.

Bu nəsil öz pullarını diqqətlə necə idarə etməyi öyrənməlidir.

Məsələn, onlara alış-veriş etməzdən əvvəl qiymətləri müqayisə etməyi öyrətməliyik ki, ən uyğun seçimi edə bilsinlər.

Onlara başa salmalıyıq ki, endirimlər və xüsusi kampaniyalar qənaət etmək üçün bir fürsətdir.

Altıncı addım: başqalarına yardım və səxavət anlayışının aşılanmasıdır.

Ehtiyacı olanlara maddi yardım etmək və səxavətli olmaq uşaqlarda pulun dəyərini daha dərindən anlamağa kömək edir.

Bu baxımdan, onları xeyriyyə fəaliyyətlərində iştirak etməyə təşviq edə bilərik və izah edə bilərik ki, pul təkcə şəxsi istifadə üçün deyil, həm də başqalarına kömək məqsədilə də istifadə edilə bilər.
Yeddinci addım: maliyyə məsələlərində rəqəmsal yanaşmaların öyrədilməsidir.

2000-ci illərin uşaqları rəqəmsal dünyada böyüdükləri üçün maliyyə məsələlərinə fərqli yanaşırlar və onlara onlayn ödənişlərin necə aparıldığını, kredit kartı və rəqəmsal hesablarla necə davranmalı olduqlarını öyrətməliyik.

Bundan əlavə, onlara onlayn oyunlar, rəqəmsal alış-verişlər və abunəliklərə çəkilən xərcləri necə idarə etməyi də göstərməliyik.

Səkkizinci addım: maliyyə müstəqilliyini gücləndirməkdir.

Bu nəsil maliyyə baxımından müstəqil olmağı öyrənməlidir.

Valideynlər uşaqlara cibdəki pullarını tam idarə etmək məsuliyyəti verməlidir ki, onlar real maliyyə təcrübəsi qazansınlar. Hətta kiçik maliyyə səhvlərinə yol versələr də, bu onların öyrənməsi və inkişafı üçün vacibdir.

Doqquzuncu addım: maliyyə baxımından gələcəyə baxmağı öyrətməkdir.

Uşaqlara maliyyə baxımından uzunmüddətli düşünməyi aşılamalıyıq.

Onlara sadə dildə investisiya anlayışını izah edə bilərik — məsələn, müəyyən bir əşya almaq üçün pul yığmaq kimi.

Yeniyetmələrə isə böyük məqsədlərə çatmaq üçün necə maliyyə planı qurmağı öyrətmək vacibdir.

Müsahibəni təqdim etdi: Səmira Güllkar