Hövzə Xəbər Agentliyinin İsfahandan verdiyi məlumata görə, ailə məsləhətçisi Səid Əzizi dünən gecə İsfahan Universitetinin tələbələri ilə görüşündə evlilikdən əvvəlki münasibətlərin zərərlərini araşdırdı. O, gənclərin həyatında bu həssas mərhələyə toxunaraq, məsələyə ağıllı və tanıyıcı yanaşma zərurətini vurğuladı və tələbələrdən istədi ki, keçici və səthi hisslərdən uzaq duraraq, real tanışlıq və şüurlu seçimə aparan bir yol seçsinlər.

O, İsra surəsinin 80-ci ayəsinə işarə edərək bildirdi ki, aramlıq, hikmətə çatmaq və müsbət nəticələr əldə etmək yalnız ilahi yolda hərəkət etməklə mümkündür. Əzizi gəncləri bu nurani bələdçiyə əsaslanaraq, ailə həyatında möhkəm addımlar atmağa çağırdı.

Bu ailə mütəxəssisi qeyd etdi: Bu ayə yalnız dini bir göstəriş deyil, eyni zamanda xoşbəxt və uğurlu həyat üçün praktik bir yoldur. Çünki ona əməl etməklə bir çox problem və potensial zərərin qarşısını almaq və aram və məmnunluq dolu bir həyat yaşamaq mümkündür.

O əlavə etdi: Hətta bir səy nəticə verməsə belə, Allah bizim əməllərimizə şahiddir və xeyirli niyyətlərimizin mükafatını verəcək. Bu inam, doğru yolda irəliləmək və xoşbəxt bir həyat qurmaq üçün güclü bir motivasiya və dayaqdır.

Əzizi vurğuladı: Qadınlar yazılı, səsli və görüntülü ünsiyyətlərdə daha dərin reaksiyalar göstərirlər və bu onların xüsusi emosional və psixoloji xüsusiyyətlərindən qaynaqlanır. Evlilikdən əvvəl qurulan münasibətin məqsədi qarşı tərəfi düzgün və məntiqli tanımaq olmalıdır, yalnız keçici hissləri doyurmaq yox. Hisslər üzərində qurulan əlaqələr uğursuzluğa məhkumdur və ciddi zərərlərə yol aça bilər.

Tanışlıq prosesində üz-üzə görüşmənin əhəmiyyəti 

O, mətnlərlə əlaqə qurmanın dörd əsas problemini bədən dilinin başa düşülməməsi, səsin tonunu və ritmini ayıra bilməmək, danışığa qatılan şəxslərin sayından əmin olmamaq və məlumatların dəyişdirilməsi və təhrif edilməsi ehtimalı kimi sıraladı və dedi: Bu əlaqə vasitələrindən istifadə edərkən diqqətli olmaq və hər hansı bir həddindən artıq istifadə və ya imtina etməmək vacibdir.

Əzizi, tanışlıq prosesində üz-üzə görüşmənin əhəmiyyətinə xüsusi diqqət çəkərək bildirdi: Yalnız şəxsən görüşlərdə tərəfin şəxsiyyəti, davranışı və təbiəti barədə tam bir anlayış əldə etmək mümkündür. Bu görüşlərdə bədən dili, üz ifadələri və səs tonu bizə dəyərli məlumatlar təqdim edir və daha məlumatlı qərarlar verməyimizə kömək edir.

O, qadınlar üçün mətnlərlə əlaqələrin cazibədarlığına işarə edərək, Harvard Universitetinin baxış bucağından bu növ əlaqələrdə bağlılıq yaradan üç əsas faktoru qeyd etdi və əlavə etdi: Gələcək ümidini verən sözlər, məsuliyyət hissi daşıyan sözlər və mərhəmət duyğusunu oyandıran sözlər qadınları təbii olaraq cəlb edir və bu da emosional bağlılıq və qeyri-məntiqi asılılığa səbəb ola bilər.

Bu ailə məsləhətçisi, qadınlar və kişilər arasında bağlılıq qurulma tərzindəki əsas fərqləri açıqlayaraq dedi: Qadınlar daha çox sözlər vasitəsilə aslı olurlar, kişilər isə daha çox gördükləri və təsəvvür etdikləri şeylərlə bağlı olurlar. Bu fərq onların bioloji və psixoloji strukturlarından irəli gəlir və bunun fərqində olmaq, qarşı tərəfin davranışlarını və reaksiyalarını daha yaxşı başa düşməyə kömək edə bilər. Əsas problem isə, hisslərə əsaslanan bağlılığın əlaqələrdə yaranmasıdır.

Əzizi, evlilikdən əvvəlki münasibətlərdə ortaya çıxan üç narahatedici fəsadı qeyd edərək bildirdi: Paronoyaklaşma, nəzarətçilik və yerli-yersiz şübhə, müxtəliflik axtarışı və şəxslərin bir-biri ilə müqayisə olunması kimi fəsadlar, münasibətlər balansdan çıxıb sağlam olmayan bağlılığa doğru getdikdə meydana gəlir.

Mətnin sonu.