Hövzə Xəbər Agentliyinin verdiyi məlumata görə, Şeyx Qədir Akaras Türkiyənin tanınmış, Alimlər Məclisinin rəhbəri və Kövsər Mədəniyyət Mərkəzinin sədri olaraq illərdir bu ölkədə müxtəlif sahələrdə fəaliyyət göstərir.

O, Hövzə Xəbər Agentliyinə verdiyi müsahibədə Kövsər Mədəniyyət Mərkəzinin və Türkiyə Alimlər Məclisinin yaranma prosesindən danışıb. Aşağıda həmin müsahibənin tam mətni təqdim olunur.

Hövzə/ Höccətül-İslam Akaras, öz hövzə fəaliyyətindən və Qumdakı təhsil tarixçəsindən bəhs edərək Kövsər təşkilatının yaradılma səbəbləri barədə danışır:
Mən 1977-ci ildə Qum elmi hövzəsinə daxil oldum və bir qrup türkiyəli tələbə ilə birlikdə Quma gəldik. Təxminən 15-20 il orada təhsil aldıq, dərslərdə iştirak etdik və elmi müzakirələrlə məşğul olduq. 1991-ci ildə Türkiyəyə qayıtdıqdan sonra ölkədə mövcud olan boşluqları və ehtiyacları araşdırdıq və Kövsər Mədəniyyət Mərkəzini yaratdıq.

Qum elmi hövzəsinin mənəvi ab-havasından təsirlənən biz tələbələr, Türkiyə cəmiyyətinin xüsusilə Əhli-Beyt (ə) maarifinə olan mənəvi ehtiyacını nəzərə alaraq qərara gəldik ki, Əhli-Beyt (ə) ilə bağlı mənbələri həm Türkiyədəki sünni, həm də şiə icmasına təqdim edək.

Hövzə: Kövsər Nəşriyyatının fəaliyyəti və əhatə dairəsi barədə nə deyə bilərsiniz?

Bu məqsədlə İstanbulda mərkəzləşmiş Kövsər Nəşriyyatını yaratdıq. Həmin illərdə tür dilində şiə haqqında cəmi 5-6 risalə və kitab mövcud idi. Biz fars və ərəb dillərindən türkcəyə tərcümələrə başladıq. Bu günədək 450-dən çox kitab, o cümlədən Təfsir əl-Mizan, Əlamul-əl-Hidayə və digər müxtəlif mövzularda əsərlər Türkiyə cəmiyyətinin ehtiyaclarını qarşılamaq üçün çap olunub.

Hövzə: Türkiyə Şiə Alimləri Məclisi necə formalaşdı?

Şeyx Qədir Akaras bu sualı cavablayaraq bildirdi:

“Bizim fəaliyyət sahələrimizin ən önəmlilərindən biri təbliğ və ruhanilərlə bağlıdır. Bu istiqamətdə, Qumdan təhsil alaraq Türkiyəyə qayıdan tələbələrin təbliğ sahəsindəki boşluqları doldura bilmələri üçün zəruri şərait yaradırıq.

Əhli-Beyt (ə) Alimləri Məclisi də məhz bu ehtiyacları sistemli şəkildə qarşılamaq məqsədilə formalaşdı. Hazırda bu məclisdə Türkiyənin müxtəlif şəhərlərində fəaliyyət göstərən bir çox alimlər və ruhanilər bir araya gəliblər.

Bəzən müəyyən bölgələrdə təbliğə ehtiyac yaranır və bu hallarda məclis Qumdan təhsil almış tələbələrdən istifadə edərək həmin bölgələrə din təbliği üçün ruhanilər göndərir. Beləliklə, təbliğ fəaliyyətlərini koordinasiya və təşkil edirik.

Hövzə: Bildiyimizə görə, Kövsər təşkilatı müxtəlif xeyriyyə proqramları ilə də məşğuldur. Bu barədə nə deyə bilərsiniz?

Təşkilatın fəaliyyət sahələrindən biri də xeyriyyə işlərinin rəsmi şəkildə qeydiyyatından keçmiş bir cəmiyyət vasitəsilə həyata keçirilməsidir. Bu yardım cəmiyyətinin ilk hədəfi Türkiyə xalqının ehtiyaclı təbəqələrinə yardım etmək, ikinci hədəfi isə qlobal sionizmə qarşı müqəddəs bir cəbhədə, müqavimət cəbhəsində fəaliyyət göstərməkdir. Biz bu sahədə öhdəlik götürmüşük və fəal şəkildə iştirak edirik.

Şiələrin daha çox yaşadığı bölgələrdə  İstanbul və İğdır şəhərlərində  iki Darul-Quran (Quran tədris mərkəzi) təsis etmişik. Bu layihələr geniş fəaliyyət çərçivəsi ilə həyata keçirilir və böyük əhəmiyyət daşıyır.

O, əlavə olaraq bildirib ki: Kövsər təşkilatının gənclər bölməsi, dini bayramlar, şəhadət və mövlud günlərində mədəni və maarifləndirici tədbirlər təşkil edir. Qadınlar bölməsi isə müxtəlif şəhərlərdə qadınlara məxsus dini və mədəni proqramlar keçirir.

Bu fəaliyyətlərə bir sıra qabaqcıl türkiyəli alimlər rəhbərlik edir. Təkcə Türkiyənin müxtəlif şəhərlərində deyil, həm də Avropanın bir çox bölgələrində  o cümlədən Almaniya, Hollandiya, Belçika və Avstriyada Kövsər təşkilatı ilə əlaqəli şəxslər bu istiqamətdə müxtəlif dini və mədəni fəaliyyətlər həyata keçirirlər.

Hövzə: Bildiyimizə görə, Kövsər Mədəniyyət Mərkəzi televiziya şəbəkəsi də təsis edib. Bu barədə ətraflı məlumat verə bilərsinizmi?

Kövsər Mərkəzinin digər mühüm fəaliyyətlərindən biri də ‘14-cü kanal’ adlı televiziya şəbəkəsinin yaradılmasıdır. Bu kanal artıq təxminən 15 ildir ki, Türkiyədə fəaliyyət göstərir və türk (İstanbul) dilində yayımlanır. Bu televiziya Türkiyədə fəaliyyət göstərən ilk şiə televiziya kanalıdır. Kanalın proqramları həm xəbər xarakterli, həm də maarif xarakterli bölmələrdən ibarətdir. Biz bu media orqanında Türkiyənin elmi və mədəni sahədə tanınmış və ixtisaslı simalarından faydalanırıq.
Həmçinin, Müqavimət cəbhəsi ilə bağlı xəbərlərin böyük bir qismi bu kanalda yayımlanır.

Bu kanal təkcə Türkiyənin müxtəlif şəhərlərində deyil, Azərbaycanın paytaxtı Bakı, Gürcüstan, İraqın Kərkük şəhəri və Almaniyada da nümayəndəliklərə sahibdir. Bütün bu fəaliyyətlər xalis Muhammədi İslamının prinsiplərinə və İslam dünyasının birliyinə sadiq qalmaqla həyata keçirilir.

Şeyx Akaras çıxışında vurğulayıb:  Biz özümüzü bu şəkildə təqdim edirik: ‘Biz Türkiyədə müqavimət cəbhəsinin səsiyik’.

Türkiyədə mədəni fəaliyyətlər sahəsində digər ölkələrlə müqayisədə nisbi azadlıqların mövcudluğu sayəsində ciddi problemlərlə qarşılaşmamışıq. Çünki fəaliyyətlərimiz rəsmi icazə əsasında aparılır. Bəzi çətinliklər olsa da, xüsusi və maneə yaradan ciddi problem yaşamamışıq.

Ümumilikdə isə deyə bilərik ki, Türkiyədəki nisbi azadlıq mühiti, fəaliyyətlərimizin maneəsiz şəkildə həyata keçirilməsinə şərait yaradıb.

Hövzə: Bu mərkəz İran və Türkiyə xalqları arasında münasibətlərin inkişafı üçün hansısa bir  addımlar atmışdırmi?

İslam dünyasında beş min illik sivilizasiyaya sahib olan İranı görməməzlikdən gəlmək mümkün deyil. İran elm, mədəniyyət və incəsənət sahələrində sivilizasiya yaradan güclü bir ölkədir. Türkiyənin də özünəməxsus zəngin bir mədəniyyəti və tarix boyu formalaşmış sivilizasiyası var. Həmçinin Misir də qədim və qüdrətli bir sivilizasiyaya sahibdir.

İran və Türkiyə iki qonşu ölkə olaraq tarix boyu müxtəlif sahələrdə bir-birinin yanında olmuşlar. Arzumuz budur ki, bu iki xalq daim bir-birinin yanında olsun, əlaqələri bütün sahələrdə daha da genişlənsin və hər iki millət bir-birinin mədəniyyətini, incəsənətini və sivilizasiya potensialını daha yaxından tanısın.

Bu tanışlıq nə qədər dərinləşərsə, iki ölkə arasındakı münasibətlər də bir o qədər möhkəmlənəcək. İki mədəniyyətin bir araya gəlməsi, İslam dünyasında daha böyük gücün formalaşmasına səbəb olacaq və bu güc sionistlərin bölgədən çəkilməsinə yol açacaq.

Münasibətlərdə müəyyən dalğalanmalar yaşansa da, hər iki ölkənin dövlət başçıları daim bu əlaqələrin dostcasına və sabit şəkildə davam etməsinə xüsusi önəm vermişlər.

Hövzə: Əhli-Sünnə alimləri ilə münasibətləriniz necədir?

Əhli-Sünnə alimləri, istər təriqət alimləri, istərsə də akademik mühitdə fəaliyyət göstərənlər, hətta Əl-Əzhər universitetinin məzunları ilə əlaqələrimiz son dərəcə müsbət və dostcanlıdır. Hətta onların bəziləri bizim televiziyamızda proqramlar aparırlar. Biz tərcümə işlərində də Əhli-Sünnə alimlərindən geniş şəkildə faydalanırıq. Məsələn, əl-Mizan təfsirinin türk dilinə tərcüməsi Əhli-Sünnə məzhəbinə mənsub bir alim tərəfindən həyata keçirilib.

Biz şiə və sünni alimləri olaraq eyni məclislərdə iştirak edirik, birlik və bərabərlik prinsipi üzərində ciddi şəkildə israr edirik. Şübhəsiz, bəziləri fitnə törətmək istəyən ünsürlər bu birliyə qarşı çıxmaq istəyirlər. Amma şiə və sünni alimləri bu birliyin qorunmasına önəm verir və inanıram ki, gələcəkdə bu əlaqələr daha da inkişaf edəcək.