Hövzə Xəbər Agentliyi – Mark Botenga Avropa İttifaqının yüksək vəzifəli rəsmilərindən biri olaraq deyib: Avropa İttifaqı liderlərinin İsrailin çirkin əməllərini qəbul etdiyini görüncə, həqiqətən qəzəb və ikrah bütün varlığımı bürüyür. Təkcə mən deyil, insanlıq tərəfdarı olan bütün Avropa xalqları da belədir. İndi elə zamandır ki, fəryad edib səsimizi ucaldaq ki, hamı bizim bu qaniçən rejimin əməllərinə qarşı olan  nifrətimizi eşitsin.

Mənim fikrimcə, Avropa İttifaqı bəzi əməkdaşlıqlara görə İsrailin əməllərində və cinayətlərində şərikdir. Parlament açıq şəkildə bu ittifaqdan tələb edib ki, danışıqlar yolu ilə Qəzzəyə humanitar yardımların çatdırılmasını asanlaşdırsın və Qəzza zolağının blokadasını ləğv etsin. Lakin heç bir nəticə görmürük.

Qəzza ilə bağlı deməliyəm ki, humanitar vəziyyət son dərəcə ağırdır və təxminən iki aydır ki, heç bir yardım sərhədlərdən keçə bilmir.

Sionistlər yalnız bombalarla mülki insanları qəsdən öldürmürlər, həm də bu məzlum xalqın yaşaması üçün bütün əsas tələbləri inkar edirlər. Botenga davam etdi: Bu bir cinayətdir, bu bir müharibə cinayətidir, bu bir insanlığa qarşı cinayətdir.

O əlavə etdi: Mən şahid oluram ki, Avropa ittifaqı İsrailə təzyiq etmir. Onlar yalnız danışırlar. Halbuki İsrail tərəfinə təzyiq göstərməli və ya ən azı sanksiyalar tətbiq etməlidirlər. Əks halda İsrail bu çirkin əməllərini davam etdirəcək. Eyni zamanda görürük ki, təkcə fələstinliləri öldürmür, həm də Qəzza zolağını işğal edir.

Botenga, "Ticarət adi bir işdir" yanaşmasını tənqid edərək dedi: İsraillə ticarət etmək üçün elə iclaslar keçirirlər ki, sanki heç nə baş verməyib və Netanyahu müharibə cinayəti və insanlığa qarşı cinayətlə ittiham olunmayıb!

Botenga iddia etdi ki, bəzi Avropa ölkələri hələ də İsrailə silah satırlar. Halbuki bilirlər ki, bu ticarət əlaqələri müharibə cinayətlərinə şəriklikdir. Bu onların iddia etdiklərinin tam əksinədir.

Bu, İsrailin işğalçı olmasını dəstəkləməkdir. Bu, heç vaxt qəbul edə bilməyəcəyimiz bir şeydir.

O, Qəzza blokadasının və ona yardımın qadağan edilməsinin dərhal aradan qaldırılmalı olduğunu bildirərək, Avropa İttifaqından heç bir gecikmə olmadan İsraili sanksiyaya məruz qoymasını tələb etdi.

Belçikanın baş naziri Bart De Vever deyib ki, əgər Netanyahu ölkəmizə gəlsə, onu həbs etməyəcəyik. Bu, tam bir rüsvayçılıqdır. Netanyahunun həbs edilməsi siyasi bir fikir deyil, əksinə, Belçikanın qanuni olaraq yerinə yetirmək məcburiyyətində olduğu bir beynəlxalq qanundur.

Avropa İttifaqının rəsmisi, Avropa Parlamentinin üzvlərinin sözlərindən əlavə, Belçikanın paytaxtı Brüsseldəki ictimai etirazlara dəstəyini də bildirdi.

Cənab Botenga, Fələstinin Qərb sahilində yerləşən Nablus, Hebron və Ramallah şəhərlərini ziyarət edərkən, İsrailin  insanlara etdiyi zülmün şahidi olmuş və bu barədəki xəbərləri və hesabatları sosial mediada  paylaşmışdır.

Mənbə: Anadolu xəbər agentliyi