Hövzə Xəbər Agentliyinin məlumatına görə, İmam Xomeyni (r) adına Elmi-Tədqiqat İnstitutunun əməkdaşları, müəllimləri və tədqiqatçıları ilə görüşdə çıxış edən 13-cü hökumətin icraçı müavini Möhsün Mənsuri, şəhid Rəisinin şəxsiyyət və idarəçilik xüsusiyyətlərinə toxunaraq dedi: Şəhid Rəisi, ölkə idarəçiliyində ixlas, mənəvi saflıq və ruhaniyyətin nadir nümunəsi idi. O, xalqa xidmət etməyi vəzifə deyil, bir eşq kimi görürdü və bu eşqin bəhrəsi də onun ruhunun ucalığı və şəhadət səadəti ilə tamamlandı.

13-cü hökumətin icraçı müavini əlavə etdi: Şəhid Rəisi ölkənin siyasi və ictimai baxımdan ən çətin dövrlərindən birində ağır bir məsuliyyəti prezidentliyi öz üzərinə götürdü, lakin bu çətinlikləri heç vaxt acizlik bəhanəsi kimi istifadə etmədi. O, xalqı heç vaxt şikayət və giley-güzarla qarşılamadı, daim milli güclərə inanırdı və əmin idi ki, problemlərin düyünü gənclərin və daxili potensialın əli ilə açılacaq.

O, həmçinin şəhid Rəisinin təvəkkül və mənəvi bağlılıq ruhiyyəsinə diqqət çəkərək bildirdi: İlahi qüdrətə dayanıqlı olmaq onun bütün qərar və fəaliyyətlərində aydın görünürdü. Şəhid Rəisi, imana əsaslanan qətiyyət və yorulmazlıqla xidmət meydanında idi və xalqın problemlərini həll etmək yolunda heç zaman tərəddüd və ləngiməyə yol vermirdi.

Mənsuri sözlərinə davam edərək bildirdi: Şəhid Rəisinin şəxsiyyəti vilayətə sadiqliyin və Ali Rəhbərə itaətin kamil təcəssümü idi. Onun varlığında vilayət xəttinin davamı aydın şəkildə hiss olunurdu. O, əməli baxımdan da həmrəyliyi və vəhdəti qoruyaraq, zövq və baxış fərqlərinə əsaslanan xətlərlə özünü məhdudlaşdırmazdı. Müdir və kadr seçimində əsas meyarı isə bacarıq və problemləri həll etmə qabiliyyəti təşkil edirdi.

13-cü hökumətin icraçı müavini şəhid Rəisinin siyasi uzaqgörənliyi və hikmətinə diqqət çəkərək dedi: O, daim siyasi ədəb və çərçivələrə sadiq qalaraq ölkənin xarici siyasətini irəli aparırdı və heç vaxt öz prinsiplərindən geri çəkilmirdi. Şərtlərə bağlı iqtisadiyyatdan çəkinərək, İslam mədəniyyəti və milli müstəqilliyi beynəlxalq münasibətlərə hakim etmişdi.

Mənsuri, şəhid Rəisinin hakimiyyət qolları arasında yaranan ixtilaflara münasibətinə toxunaraq bildirdi: O, heç zaman bu ixtilafları alovlandırmağa çalışmadı və özü də heç bir gərginliyin mənbəyi olmadı. Onun təmkin, vüqar və səbir dolu idarəçiliyi dövlət məmurları üçün örnək sayılır.

13-cü hökumətin icraçı müavini vurğuladı: Şəhid Rəisi islahatçı, xalqsevər və məsuliyyət hissi yüksək olan bir başçı idi. Onun qərarları dərin düşüncə, vətənpərvərlik və cəmiyyətin ehtiyaclarını dərindən anlamaqdan qaynaqlanırdı. O, daim cəmiyyətin zəif təbəqələrinə xidmət etməyi prioritet sayırdı və bu ruhiyyə İslam Respublikasının misilsiz sərvətidir.