Hövzə Xəbər Agentliyinin verdiyi məlumata əsasən Ayətullah üzma Məkarim Şirazi: Xalqın yüksək rütbəli rəsmilərinin və silahlı qüvvələrinin qərarlarını şüurlu və qətiyyətli şəkildə dəstəkləməsi, münafiqlərin və təxribatçıların vəsvəsələrinə əhəmiyyət verməməsi, İslam düşmənlərinin hərtərəfli hücumuna qarşı ən yaxşı yoldur.

Bismilləhir-Rahmənir-Rahim
Qan tökən vəhşi sionist rejimin İran İslam Respublikasının torpaqlarına hücumu və günahsız bir sıra qadınların, uşaqların, dəyərli insanların, genralların və nüvə alimlərinin şəhid olması İranın böyük milləti arasında kədər və qəzəb hissi yaratmışdır.

Şübhəsiz ki, zalımların məhv olunması ilə bağlı İlahi vəd gerçəkləşəcək və tezliklə, uca Allahın iradəsi və möminlərin əlləri ilə bu fəsad yuvası və onun qlobal tərəfdarları məhv ediləcəkdir.
Bu həssas və təhlükəli şəraitdə hər kəsə vacib olan budur ki, həmrəylik, birlik və söz birliyini qoruyub saxlasın və iradələri zəiflədən, qəlbləri lərzəyə salan, mömin qüvvələrin zəifləməsinə və parçalanmasına səbəb olan sözlərdən çəkinilsin.

Şübhəsiz ki, xalqın yüksək rütbəli məsul şəxslərinin və silahlı qüvvələrinin qərarlarını şüurlu və qətiyyətli şəkildə dəstəkləməsi, həmçinin münafiqlərin, təxribatçıların və fitnəçilərin vəsvəsələrinə əhəmiyyət verməməsi, İslam düşmənlərinin hərtərəfli hücumuna qarşı mübarizənin ən yaxşı yoludur.

Qədir Xum günü və Əmirəl-möminin Həzrət Əli (ə) vilayəti ərəfəsində uca Allahın dərgahına yalvararaq dua edirik və o Həzrəti özümüzə şəfaətçi qərar veririk. Biz Allahın kömək və zəfər vədinə tam əminik. Çünki O buyurmuşdur:
«وَلَیَنْصُرَنَّ اللَّهُ مَنْ یَنْصُرُهُ»

Allah Özünə (dininə) yardım edənə mütləq yardım edər. 

Vəssəlamu aleykum və rahmətullah

Qum – Nasir Məkarim Şirazi

13 iyun 2025