Hövzə Xəbər Agentliyinin məlumatına görə, Qum Elmi Hövzəsinin Müəllimlər Cəmiyyətinin Ümumdünya Qüds Günü münasibətilə bəyanatının mətni aşağıdakı kimidir:

Bismillahir-Rəhmanir-Rəhim

Ümumdünya Qüds Günü, Mübarək Ramazan ayının son cüməsində, böyük İmamımızın strateji və əbədi yadigarıdır. Bu gün, Fələstin məsələsinin İslam dünyası üçün əsas və mərkəzi məsələ kimi unudulmamasında və yaşamasında mühüm rol oynayır.

 İran İslam Respublikası, məzlum Fələstin xalqını müdafiə edərək, Həzrət Əmirəlmöminin Əli (ə) -in «کُونَا لِلظَّالِمِ خَصْماً وَ لِلْمَظْلُومِ عَوْناً»،
"Zalımın düşməni, məzlumun yardımçısı olun" vəsiyyətinə sadiq qaldı, öz orijinal İslami kimliyini nümayiş etdirdi. Bu mübarizənin nəticəsində, Fələstin və Müqəddəs Qüds hələ də İslam dünyasının birinci məsələsi olaraq qalır.

Məzlum Fələstin xalqı illərdir Qüdsün və öz ata-baba torpaqlarının azadlığı uğrunda tənha və çarəsiz halda mübarizə aparır. Bu gün isə bəzi İslam ölkələrinin xəyanət və səhlənkarlığına baxmayaraq, qəsbkar sionist rejiminin zəifləməsi və süqutu prosesi sürətlənmişdir.

Böyük "Əqsa Tufanı" qəhrəmanlığı sübut etdi ki, imanlı və səbirli mübarizə güc yaradır. Müqavimət cəbhəsi, "Əqsa Tufanı"ndan sonra İsrailin güc balansını pozaraq yeni reallıqlar yaradıb. Sionistlərin son Qəzza və Livan müharibəsində törətdiyi vəhşi cinayətlər, qəsbkar rejimin acizliyini bütün dünyaya nümayiş etdirdi. Dünya şahid oldu ki, İsrail döyüş meydanında uğursuzluğunun qisasını uşaq qətliamı, soyqırımlar, xəstəxana və məktəblərin dağıdılması ilə alır.