Hövzə Xəbər Agentliyinin məlumatına görə, Həzrət Ayətullah Cavad Amuli xalqı Qüds Günü yürüşündə iştirak etməyə dəvət edərək vurğulayıb:

Qüds Günü yürüşü, ilahi ənənələrdən biri və İmam Xomeyninin (r) yadigarıdır. Bu, sadəcə milli, regional və ya etnik bir məsələ deyil; bu, İslamın beynəlxalq səviyyədə təvəlla (dostluq) və təbərranın (zalımlardan uzaq durma) təcəssümüdür.

O, insanın Fələstin hadisəsində məzlumların yanında yer almasının və İsrailin törətdiyi soyqırımdan uzaq durmasının vacibliyini vurğulayaraq dedi:

Bu cür haqlar, Allahın haqlarıdır və ilahi rəhbərlərə aiddir. Onlar peyğəmbərlərin mirasıdır. Burada bir xalqın torpağı bilərəkdən işğal edilib, milyonlarla insan 70 ildən çoxdur ki, öz yurdundan didərgin düşüb. Bu açıq-aşkar bir zülmdür. Üstəlik, İsrailin həyata keçirdiyi soyqırımlar, uşaqların, qadınların və günahsız insanların qanına boyanmış bir faciəyə çevrilib. Belə bir hadisə artıq təkcə bir bölgəyə aid deyil, qlobal bir məsələdir. Buna görə də, hər bir insan məzluma sevgi bəsləməli, zalımdan isə uzaq durmalıdır.

Qüds yürüşü – həm dünya, həm də axirət bərəkəti

Həzrət Ayətullah Cavad Amuli, xalqı Qüds Günü yürüşündə iştirak etməyə çağıraraq əlavə etdi:

Bu yürüşdə iştirak edərkən, bütün bu məqsədləri niyyət edin ki, həm dünyəvi, həm də axirət savabı qazanasınız. Bu, həm siyasi və ictimai baxımdan, həm də dini və ibadi baxımdan bərəkət gətirən bir hərəkətdir. Allahın dininə, ilahi rəhbərlərə, Qurani-Kərimə, Əhli-Beytin (ə) kəlamlarına, Peyğəmbərin (s.) İsra və Merac möcüzəsinə ehtiram əlaməti olaraq bu yürüşdə iştirak edin. Çünki bir əməl birdən çox ali məqsədi özündə birləşdirirsə, insan həmin məqsədlərin hamısını ixlasla (qürbət qəsdi ilə) niyyət edərsə, sonsuz savaba nail olar.

O, sözlərinə davam edərək vurğuladı:

Bu yürüşdə iştirak etmək hamımızın vəzifəsidir. Əvvəla, hər birimiz öz elm və idrak səviyyəmizə uyğun olaraq Allah yolunda təvəlla (dostluq) və təbərranı (zalımdan uzaq durma) nəzərə almalıyıq. İkincisi, bu hərəkətin hərtərəfli və genişmiqyaslı olmasına çalışmalıyıq. Üçüncüsü isə, bütün bu ali məqsədləri nəzərə alaraq ixlasla (qürbət qəsdi ilə) və bu yolda şəhid olanların xatirəsini uca tutmaq üçün addım atmalıyıq ki, Uca Allah bu addımları həm dünyada, həm də Siratda möhkəmləndirsin. Ümid edirik ki, bu yolda atılan heç bir addım büdrəməz və sarsılmaz.

Zülm bitəcək, Qüds azad olacaq!

Ayətullah Cavad Amuli, çıxışının sonunda ümidvar olduğunu bildirərək dedi:

Ümid edirik ki, bu il – yəni 1404-cü hicri şəmsi ili (2025-ci il) Qəzza xalqının məzlumiyyətinin sona çatdığı və işğalçı İsrailin zülmünün yox edildiyi il olar. Bu, ilahi qüdrət və qətiyyətin bərəkəti ilə mümkün olacaq.

Daha sonra möhtərəm alim, tam mesajını aşağıdakı ifadələrlə başladı:

بسم الله الرحمن الرحیم

Şeytanın şərindən Allaha sığınıram.
Mərhəmətli və Rəhmli Allahın adı ilə...

Həmd olsun aləmlərin Rəbbinə. Allahın salamı olsun bütün peyğəmbərlərə, elçilərə, hidayət edən imamlar və Həzrət Fatimeyi-Zəhraya (s). Biz onlarla dostluq edirik (təvəlla), onların düşmənlərindən isə Allaha sığınaraq uzaq dururuq (təbərrə).

Qüds Günü yürüşü, ilahi ənənələrdən biri və İmam Xomeyninin (r.) yadigarıdır. Bu, yalnız milli, yerli, tayfa və etnik kimliyə aid olan bir ibadət deyil. Əksinə, İslamın beynəlxalq səviyyədə təvəlla (dostluq) və təbərranın (zalımdan uzaq durma) bir təcəssümüdür.

Çünki bir tərəfdən bütün İbrahimi dinlərin müqəddəs dəyərləri tapdalanmış, digər tərəfdən isə İbrahim Xəlilullah, Musa Kəlimullah və İsa Məsihin (salam olsun onlara) təlimləri açıq-aşkar hörmətsizliyə məruz qalmışdır. Onların səmavi kitabları, ilahi kəlamları və müqəddəs mesajları təhqir edilmiş, Qurani-Kərimin hörməti tapdanmış, eləcə də Peyğəmbərin (s) İsra və Mərac möcüzəsinə qarşı hörmətsizlik edilmişdir.

Bu hüquqlar, ilahi haqlardır; ilahi rəhbərlərə, vəhyə və peyğəmbərlərin mirasına aiddir. Eyni zamanda, bir xalqın torpaqları bilərəkdən və qəsdən işğal edilmiş, milyonlarla insan 70 ildən çoxdur ki, öz yurdundan məhrum olmuşdur. Bu, açıq-aşkar və dəhşətli bir zülmdür.

Lakin bu zülmə daha dəhşətlisi – İsrailin soyqırımı əlavə olunmuşdur. Uzun illərdir ki, uşaqlar, qadınlar və günahsız insanlar qətlə yetirilir, torpaq qanla boyanır. Bu dəhşətli faciə təkcə regional deyil, qlobal bir hadisəyə çevrilmişdir. Ona görə də hər bir insan məzlumu müdafiə etməli, zalımdan isə uzaq durmalıdır.

İmam Xomeyninin (r) başladığı bu ilahi ənənə bu gün də davam edir. Bu yürüşdə iştirak edən hər kəs, həm dünyəvi, həm də axirət savabına nail ola bilər.

Bu, siyasi və ictimai cəhətdən də bərəkətlidir, dini və ibadi baxımdan da. Bu səbəbdən yürüşdə iştirak edərkən, bütün bu ali məqsədləri niyyət etməliyik:

İlahi məktəblərə ehtiram,

İlahi rəhbərlərə ehtiram,

Qurani-Kərimə ehtiram,

Əhli-Beytin (ə) kəlamlarına ehtiram,

Peyğəmbərin (s) İsra və Merac möcüzəsinə ehtiram.

Beynəlxalq Təvəlla və Təbərranın Təcəssümü

İslamda təvəlla və təbərranın müxtəlif formaları var: bəzi hallarda lokal, bəzi hallarda milli, bəzi hallarda isə beynəlxalq xarakter daşıyır. Qüds Günü yürüşü isə məhz beynəlxalq səviyyədə tövəlla və təbərranın təcəssümüdür.

Buna görə də, bu yürüşdə iştirak edən hər kəs, bu ali məqsədləri niyyət edərək ixlasla (qürbət qəsdi ilə) addım atmalıdır. Çünki bir əməl birdən çox ali məqsədi özündə birləşdirirsə və insan bütün bu məqsədləri ixlasla niyyət edərsə, onun savabı qat-qat artıq olar.

Qüds Günü yürüşündə iştirak edən böyük şəxsiyyətlər və möminlər təkcə Qəzzədə günahsız uşaqların, qadınların və məzlumların qətlə yetirilməsini düşünməməlidir. Bununla yanaşı, ilahi peyğəmbərlərin məktəbini, onların gətirdiyi səmavi mesajları, Qurani-Kərimin müqəddəsliyini, Peyğəmbərimizin (s) izzətini və onun Əsra və Merac möcüzəsinin böyüklüyünü də niyyət etməlidirlər. Belə olduqda, bu yürüş iştirakçıları xeyir və fəzilətlərin bir xəzinəsinə çevriləcəklər.

Uca Allah buyurur: ﴿إِنَّ رَبَّکَ لَبِالْمِرْصَادِ
“Həqiqətən, sənin Rəbbin pusqudadır!” (Fəcr, 14)

Allahın qəzəbi zalımların üzərindədir və heç kim düşünməsin ki, İsrail öz arxasında Qərbin dəstəyini və Amerikanın himayəsini alaraq bu zülmü davam etdirə bilər! Əsla belə deyil! Allahın qəzəbi və ilahi əzab yaxındadır.

Buna görə də, bizim hər birimizin üzərinə düşən vəzifə, bu müqəddəs yürüşdə iştirak etməkdir.

1. Hər birimiz öz biliyimiz və imanımız çərçivəsində ilahi tövəlla və təbərranı niyyət edək.

2. Bu yürüşü hərtərəfli və bütün məqsədləri əhatə edən bir hərəkata çevirək.

3. Qəlbimizdə ixlas və məhəbbətlə, şəhidlərin müqəddəs ruhuna ehtiram əlaməti olaraq addım ataq.

Belə olduğu təqdirdə, Allah-Təala bu addımlarımızı həm dünyada, həm də Siratda sabit və sarsılmaz edəcəkdir.

Bu yürüşdə kişilər, qadınlar, qocalar, gənclər, atalar, analar, oğullar və qızlar – hamı bir məqsədlə, ixlasla və ilahi rizaya qovuşmaq üçün bir araya gəlməlidir. Bu niyyət və pak qəlblə addım atanları Allah həm dünyada, həm də axirətdə mükafatlandıracaq, eyni zamanda zülmkarları tezliklə məhv edəcəkdir. Çünki Allah-Təala buyurur: ﴿إِنَّ رَبَّکَ لَبِالْمِرْصَادِ﴾
“Həqiqətən, sənin Rəbbin pusqudadır!” (Fəcr, 14).

Ümid edirik ki, bu il – 1404-cü il şəmsi təqvimi – Qəzzə xalqının zülmünün sona çatdığı və İsrailin məhv olduğu il olacaq! Bu zəfər Allahın qüdrəti və ilahi ədalətin təcəllisi ilə gerçəkləşəcək!
غفر الله لکم و السلام علیکم و رحمة الله و برکاته.
“Allah sizi bağışlasın. Allahın salamı, rəhməti və bərəkəti üzərinizə olsun!” 
Fəcr surəsi aye 14