BMT rəsmisi UEFA-ya çağırış etdi: İsraili bütün yarışlardan uzaqlaşdırın!

Hövzə Xəbər Agentliyinin tərcümə qrupunun verdiyi məlumata görə, BMT-nin Insan Hüquqları üzrə xüsusi məruzəçisi Franseska Albanes bazar günü UEFA-ya müraciət edərək, İsrailin bütün Avropa Liqası yarışlarından kənarlaşdırılmasını tələb edib. O, bunun Avropa idmanının Qəzzada baş verən soyqırımın qanına bulaşmaması üçün vacib addım olduğunu bildirib.

“Gəlin, idmanı aparteid və genosid girdabından xilas edək,” – deyə Albanes vurğulayıb.

Bu çağırış, UEFA-nın, İsrail rejiminin törətdiyi cinayətlər nəticəsində şəhadətə çatmış tanınmış futbolçulardan biri ilə vidalaşmasından sonra səslənib. Söhbət, oyundakı bacarığına görə “Fələstinin Pele-si” adlandırılan Fələstin milli komandasının üzvü Ubeyddən gedir.

Fələstin Futbol Assosiasiyasının məlumatına görə, Ubeyd, ötən çərşənbə günü İsrailin humanitar yardım növbəsində dayanan mülki şəxslərə hücumu və onları gülləbaran etməsi nəticəsində şəhid olub.

Albanes bildirib: “Artıq qatillərin, UEFA-nın bütün yarış meydanlarından uzaqlaşdırmasının vaxtı çatıb.”

Fələstin rəsmilərinin açıqlamasına görə, İsrailin Qəzzaya qarşı son müharibəsində 800-dən çox fələstinli idmançı həlak olub.

Mənbə: A News