Hövzə Xəbər Agentliyinin verdiyi məlumata əsadən, Həzrət Ayətullah Nuri Həmədani’nin “Səbr Qərargahı” toplantısına göndərdiyi müraciətin tam mətni belədir:

Möhtərəm şəxsiyyətin mesajının tam mətni belədir:

بسْمِ اللَّهِ الرَّحْمنِ الرَّحیمِ

الْحَمْدُ لِلَّهِ رَبِّ الْعَالَمِینَ وَ الصَّلَاةُ وَ السَّلَامُ عَلَی سَیِّدِنا وَ نَبِیِّنَا أَبِی ‌الْقَاسِمِ المصطفی مُحَمَّد وَ عَلَی أهلِ بَیتِهِ الطَّیِّبِینَ الطَّاهِرِینَ سیَّما بَقیَّهَ اللهِ فِی الأرَضینَ و لعنة الله علی أعدائهم أجمعین إلی یوم الدین.

Bismillahir-Rəhmanir-Rəhim

Həmd aləmlərin Rəbbi olan Allaha məxsusdur.

Salavat və salam olsun bizim ağamız və peyğəmbərimiz Əbul Qasim, Müstəfa Məhəmmədə (s) və onun pak, təmiz Əhli-beytinə, xüsusilə də yer üzündə Allahın Höccətinə İmam Zamana (ə.c) və qiyamət gününə qədər Allahın lənəti onların bütün düşmənlərinə olsun.

İslam rəhmət və mərhəmət, əxlaq və ədalət dinidir;

elə bir dindir ki, ədaləti ehsanla, mühakiməni isə sülh və bağışlama ilə birləşdirmişdir.

Sülh, bağışlama və xeyirxah insanların ixtilafları, kin-küdurətləri aradan qaldırmaq, həmçinin ictimai əlaqələri möhkəmləndirmək üçün vasitəçilik etməsi mədəniyyəti Qurani-Kərim və Əhli-beyt (ə) təlimlərinin ən uca göstərişlərindəndir və imanla təqvanın əlamətlərindəndir.

Ağamız, möminlərin əmiri Əli ibn Əbi Talibin (ə) övladları İmam Həsən və İmam Hüseynə (ə) verdiyi əbədi vəsiyyətlərindən biri, onu İbn Mülcəm (Allahın lənəti onun üzərinə olsun) yaraladığı zaman belə idi:

«أُوصِیکُمَا وَجَمِیعَ وَلَدِی وَأَهْلِی وَمَنْ بَلَغَهُ کِتَابِی بِتَقْوَی اللَّهِ وَنَظْمِ أَمْرِکُمْ ... وَصَلَاحِ ذَاتِ بَیْنِکُمْ، فَإِنِّی سَمِعْتُ جَدَّکُمَا صَلَّی اللهُ عَلَیْهِ وَآلِهِ یَقُولُ: صَلَاحُ ذَاتِ الْبَیْنِ أَفْضَلُ مِنْ عَامَّةِ الصَّلَاةِ وَالصِّیَامِ.»

(Ey Həsən və Hüseyn!) Sizə, həmçinin bütün övladlarıma, ailəmə və bu məktubum kimə çatsa, hamınıza Allahdan qorxmağı (təqvalı olmağı), işlərinizdə nizam-intizamı və öz aranızda barış və islahı qorumağı tövsiyə edirəm.

Çünki mən sizin babanızın Peyğəmbərin (Allahın salamı olsun Ona və Əhli-beytinə) belə buyurduğunu eşitdim:

‘İnsanlar arasındakı barış və birliyin qorunması, çoxlu namaz qılmaq və oruc tutmaqdan daha fəzilətlidir.’

Həzrət bu vəsiyyətdə insanlar arasında islahı bütün namaz və orucların üstündə tutmuşdur; çünki ürəkləri yaxınlaşdırmaq, kin-küdurəti aradan qaldırmaq və möminləri barışdırmaq, həmrəylik, birlik və ictimai məhəbbət üçün zəmin yaradır.

İki qırılmış ürək və ya anlaşılmazlıq və düşmənçilik yaşayan iki qrup və ya tayfa arasında sülh yaratmaq isə nafile ibadətlərdən də üstün bir savaba malikdir.

Bu gün də bizim İslam cəmiyyətimiz hər zamankındən daha çox “insanlar arasındakı münasibətlərin islahına (barışdırılmasına)” ehtiyac duyur; çünki şeytanlar və düşmənlər öz nüfuz yollarını daxili parçalanmalar və bir-birinə qarşı bədbinliklər vasitəsilə axtarırlar.«اصلاح ذات‌البین» "insanlar arasındakı münasibətlərin islahı"isə düşmənin nüfuz yolunu ürəklərin birliyi və qarşılıqlı etimad vasitəsilə bağlamaq deməkdir.

Ruhunda bağışlama və keçicilik (səbir, mərhəmət) canlı olan cəmiyyət, bir çox ixtilaf və düşmənçiliklərdən qorunur, ailə təməli və ictimai etimad isə orada möhkəmlənir.

Əhli-beytin (ə) fiqhi baxışına görə, hakimin hökm vermədən əvvəl sülhə dəvət etməsi möhkəm tövsiyə edilən sünnət müstəhəb hesab olunur və ədalət və rəhmətin əlamətidir.

Böyük şiə alimi, “Cəvahirül-Kəlam”ın sahibi Şeyx Məhəmməd Həsən Nəcəfi (Allah ona rəhmət eləsin) belə buyurur:

«یُستحبّ ترغیبهما فی الصلح الذی هو خیر، ولا ینافی ذلک فوریة القضاء عرفاً»

“Onları ən xeyirli olan sülhə təşviq etmək tövsiyə olunur, və bu, adətən hökmün dərhal verilməsi ilə ziddiyyət təşkil etmir.”

(Cəvahirül-Kəlam, cild 40, səh. 145)

Buna əsasən, kin-küdurəti aradan qaldırmaq və ixtilafları qeyri-məhkəmə yollarıyla islah etmək, iddia qaldırmaq və mübahisəni məhkəmələrdə həll etməkdən üstün tutulur.

Elə bu səbəbdən, Səbr Qərargahı (Sülh, Bağışlama və Razılıq) çərçivəsində sizin vasitəçilik, keçicilik və etik-ictimai həll yollarını axtarmaq üzrə göstərdiyiniz dəyərli səylər, ən yüksək saleh əməl nümunələrindən biridir.

Güc zamanında sülh və bağışlama zəifliyin deyil, ruh gücünün, imanının və fiqh, əxlaq və ictimai ədalət arasındakı bağlılığın simvoludur.

Sizin Səbr Qərargahındakı vəzifəniz yalnız iddia sayılarının azalması deyil, həm də iman ruhunu dirçəltmək, ictimai etimadı bərpa etmək, ailə təməlini möhkəmləndirmək, qardaşlıq və həmrəylik bağlarını gücləndirmək və cəmiyyətin əxlaqi bağlılığını möhkəmləndirməkdir.

Uca Allah belə vəd etmişdir:

«فَمَنْ عَفَا وَأَصْلَحَ فَأَجْرُهُ عَلَی اللَّهِ» ( شوری، آیه۴۰)

“Bununla belə hər kəs (pislik edəni) bağışlasa və (onunla) barışsa, onun mükafatı Allaha aiddir.

(Şura, ayə 40)

Həmçinin buyurmuşdur:

«وَالْکَاظِمِینَ الْغَیْظَ وَالْعَافِینَ عَنِ النَّاسِ وَاللَّهُ یُحِبُّ الْمُحْسِنِینَ»

“Qəzəblərini udar və insanları bağışlayarlar. Allah yaxşılıq edənləri sevər."

(Əl-İmran, ayə 134)

Mən, Səbr Qərargahının (Sülh, Bağışlama, Razılıq) məsul şəxsləri və fəallarının səmimi səylərini dəyərləndirərək təşəkkür edirəm və aşağıdakı məqamlara xüsusi diqqət yetirirəm:

1. Sülh və bağışlama iman, təqva, ədalət, xeyirxahlıq, gələcəyə baxış və qəlb razılığı əsasında həyata keçirilməlidir;

təzyiq və ya məcburiyyət nəticəsində edilən barış isə davamlı olmaz.

2. Alimlərin, mədəniyyət sahəsindəki istedadlı şəxslərin, ağsaqqalların, tayfa və qəbilə böyük və nümayəndələrinin, eləcə də yerli etibarlı şəxslərin vasitəçilikdə və ixtilafların həllində iştirakı, Allaha xoş gələn bir əməl olub, böyük mənəvi savaba malikdir.

3. Bütün təşkilatlar, dövlət və qeyri-dövlət qurumları, həmçinin fiziki və hüquqi şəxslər, Səbr Qərargahını onun ilahi və ictimai vəzifəsində dəstəkləməlidirlər.

4. Bağışlama və keçicilik (səbir və mərhəmət), əxlaqi gücün bir təzahürüdür və axirət aləmindəki mübahisədir;

heç vaxt zəifliyin əlaməti kimi qəbul edilməməlidir.

Qətiyyətlə, Allaha təvəkkül edərək və Əhli-beytə (ə) təvəssül edərək, sülh, bağışlama və keçicilik yolunda qərar verin və heç vaxt şeytani vəsvəsələrdən sülh və barışa mane olan şəxslərin təsirindən təsirlənməyin.

Sülh və bağışlamanın bərəkətlərini, həyatda qisas almaqdan daha çox hiss edəcəksiniz.

5. Səbr Qərargahının fəalları, sülhün təmin olunması və davamlı ictimai əxlaqın möhkəmləndirilməsi, qanunla əxlaqın və hökm ilə rəhmətin bağlılığını hər gün daha da gücləndirməlidirlər.

Sonda, Uca Allaha dua edirəm ki, Həzrət İmam Zamanın (ə.c.) xüsusi diqqətini, Böyük İnqilab Rəhbərinə, şərəfli İran xalqına və bu sahədə səmimi çalışanlara nəsib etsin; və bizə həmrəylik, ictimai birlik, incikliklərin aradan qaldırılması, ailənin möhkəmləndirilməsi bağışlama və məhəbbət ruhunun yayılması işində artan müvəffəqiyyət bəxş etsin;

beləliklə, İslam cəmiyyətimiz iman və həmrəylik bərəkəti ilə, bu müqəddəs ayəyə uyğun bir nümunə olsun:

«وَمَن یَفْعَلْ ذَلِکَ ابْتِغَاءَ مَرْضَاتِ اللَّهِ فَسَوْفَ نُؤْتِیهِ أَجْرًا عَظِیمًا»

"Allahın razılığını qazanmaq üçün belə işlər görən kimsəyə (axirətdə) böyük mükafat verəcəyik!" ( Nisa ayə 114)

Eyni zamanda, bu fürsətdən istifadə edərək məhkəmə orqanlarının göstərdiyi dəyərli xidmətlərə, xüsusilə sədrləri və məsul şəxslərin xalq arasında fəaliyyəti, korrupsiyaya qarşı qətiyyətli mübarizəsi və cəmiyyətin vəziyyətini düzgün dərk etməsi sayəsində böyük irəliləyişlərə imza atmasına, xalqın gələcək və ədalətin bərqərar olması ilə bağlı ümidlərinin artırılmasına görə təşəkkür etmək lazımdır.

Həmçinin, eyni istiqamətdə fəaliyyət göstərən Qum vilayətinin hörmətli və çalışqan rəhbərinə minnətdarlığımı bildirirəm.

Vəssəlamu ələykum və rəhmətullahi və bərəkətuhu

Hüseyn Nuri Həmədani

Xəbərin sonu.